ദേശീയപാതയിൽ കാന വൃത്തിയാക്കുന്നതിനിടെ ജീപ്പ് ഇടിച്ച് തെറിപ്പിച്ചു; അന്യസംസ്ഥാന തൊഴിലാളിക്ക് ​ഗുരുതര പരിക്ക് (വിഡിയോ)

തൃശൂർ: ദേശീയപാത മണ്ണുത്തി മുല്ലക്കരയിൽ ജീപ്പ് ഇടിച്ച് അന്യ സംസ്ഥാന തൊഴിലാളിക്ക് ഗുരുതര പരിക്ക്. തിങ്കളാഴ്ച്ച വൈകീട്ട് 3.30 ഓടെയാണ് അപകടം ഉണ്ടായത്. മണ്ണുത്തി ഭാഗത്ത് നിന്നു പട്ടിക്കാട് ഭാഗത്തേക്ക് പോകുകയായിരുന്ന വാഹനം നിയന്ത്രണം വിട്ട് ദേശീയപാതയിലെ കാന വൃത്തിയാക്കുകയായിരുന്ന തൊഴിലാളിയെ ഇടിച്ച് തെറിപ്പിക്കുകയായിരുന്നു.

അപകടത്തിൽ അന്യ സംസ്ഥാന തൊഴിലാളിയായ കരുണനാണ് ഗുരുതരമായി പരിക്കേറ്റത്. ഇയാളെ ഉടൻ തൃശൂരിലെ ആശുപത്രിയിൽ പ്രവേശിപ്പിച്ചു. സ്ഥലത്ത് 5 തൊഴിലാളികളാണ് ഉണ്ടായിരുന്നത്. മണ്ണുത്തി പൊലീസും, ഹൈവേ പൊലീസും സ്ഥലത്തെത്തി നടപടി സ്വീകരിച്ചു. അപകടം ഉണ്ടാക്കിയ വാഹനവും ഡ്രൈവറും പൊലീസ് കസ്റ്റഡിയിൽ.