കണ്ണൂര്: തളിപ്പറമ്പിലും ധര്മ്മടത്തും വ്യാപക കള്ളവോട്ട് നടന്നെന്ന് കോണ്ഗ്രസ് നേതാവ് കെ സുധാകരന് എംപി. തളിപ്പറമ്പില് റീ പോളിങ് നടത്തണമെന്ന് ആവശ്യപ്പെട്ട് തെരഞ്ഞെടുപ്പ് കമ്മീഷന് കത്ത് നല്കി. ആവശ്യം അനുവദിച്ചില്ലെങ്കില് കോടതിയെ സമീപിക്കാന് ആലോചിക്കുന്നതായും കെ സുധാകരന് പറഞ്ഞു. കേരളത്തില് യുഡിഎഫ് ഉറപ്പാണ്. പിണറായി വിജയന് ജയില് ഉറപ്പാണ്. ഈ തെരഞ്ഞെടുപ്പില് നടക്കാന് പോകുന്ന രണ്ട് ഉറപ്പ് ഇതാവുമെന്നും സുധാകരന് അഭിപ്രായപ്പെട്ടു.
തളിപ്പറമ്പില് തെരഞ്ഞെടുപ്പ് അട്ടിമറിച്ചത് സ്ഥാനാര്ത്ഥിയുടെ നേതൃത്വത്തിലാണ്. പ്രിസൈഡിങ് ഓഫീസറുടെ പച്ചക്കൊടിയോടെയാണ് കള്ളവോട്ട് നടന്നത്.മലപ്പട്ടം പഞ്ചായത്തിലെ എല്ലാ ബൂത്തും സി പി എം പിടിച്ചെടുത്തതായും സുധാകരന് ആരോപിച്ചു. പലയിടങ്ങളിലും യു ഡി എഫ് ബൂത്ത് ഏജന്റുമാരെ ബൂത്തിലിരിക്കാന് സമ്മതിച്ചില്ല. തല്ലിയോടിക്കുന്ന സ്ഥിതിയുണ്ടായി. ചെക്ക് പോസ്റ്റ് ഉണ്ടാക്കി സിപിഎം അല്ലാത്തവരെ വിരട്ടിയോടിച്ചു.
എം വി ഗോവിന്ദന് കള്ളവോട്ട് ചെയ്യാന് പ്രേരിപ്പിക്കുന്ന പ്രസ്താവനയും നടത്തി. ഇതിനെതിരെ കേസെടുക്കണമെന്നും അദ്ദേഹം ആവശ്യപ്പെട്ടു.സാമുദായിക ധ്രുവീകരണത്തിന് യുഡിഎഫ് ശ്രമിക്കുന്നു എന്ന് എം വി ഗോവിന്ദന് പറഞ്ഞത് മുന്കൂര് ജാമ്യമെടുക്കല് ആണെന്നും സുധാകരന് അഭിപ്രായപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
