തിരുവനന്തപുരം: കേരള നിയമസഭയിലേക്ക് നടക്കുന്ന തെരഞ്ഞെടുപ്പില് സ്ഥാനാര്ത്ഥികള് നാമനിര്ദേശ പത്രിക സമര്പ്പിക്കേണ്ട അവസാന തീയ്യതി ഇന്ന്. ഇന്ന് വൈകുന്നേരം 3 മണിവരെയാണ് നാമനിര്ദേശ പത്രിക സമര്പ്പിക്കാനുള്ള സമയം. രാവിലെ 11 മുതല് വൈകിട്ട് 3 മണിവരെയാണ് നാമനിര്ദേശ പത്രിക സമര്പ്പിക്കാന് കഴിയുക. ചൊവ്വാഴ്ച പത്രികകളുടെ സൂക്ഷ്മ പരിശോധന നടക്കും. മാര്ച്ച് 26 വരെ സ്ഥാനാര്ത്ഥികള്ക്ക് നാമനിര്ദേശ പത്രിക പിന്വലിക്കാം.
ഇനി 18 നാളുകളാണ് വോട്ടെടുപ്പിനുള്ളത്. ഏപ്രില് 9 ന് നടക്കുന്ന പോളിങ്ങിന് ശേഷം മെയ് നാലിനാണ് വോട്ടെണ്ണല് നിശ്ചയിച്ചിരിക്കുന്നത്. പ്രതിപക്ഷ നേതാവ് വിഡി സതീശന് ഉള്പ്പെടെയുള്ള സ്ഥാനാര്ഥികള് ഇന്ന് പത്രിക സമര്പ്പിക്കും.
പരാതിരഹിതവും സമാധാന പൂര്ണവുമായ ഇലക്ഷന് നടത്തിപ്പിന് സ്ഥാനാര്ത്ഥികളുടെയും രാഷ്ട്രീയ പാര്ട്ടികളുടെയും സഹകരണം ഉണ്ടാവണമെന്ന് മുഖ്യ തെരഞ്ഞെടുപ്പ് ഓഫീസര് അറിയിച്ചു. തെരഞ്ഞെടുപ്പുമായി ബന്ധപ്പെട്ട ഒരുക്കങ്ങള് പുരോഗമിക്കുകയാണെന്നും അദ്ദേഹം അറിയിച്ചു. തെരഞ്ഞെടുപ്പ് ജോലിക്കായി നിയോഗിക്കുന്ന ഉദ്യോഗസ്ഥരുടെ ആദ്യഘട്ട റാന്ഡമൈസേഷന് പൂര്ത്തിയായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
