ഭക്ഷ്യവസ്തുക്കള്ക്കു അധികനിരക്ക് ഈടാക്കുന്നതിനു പുറമേ തിയറ്ററുകളില് തിരക്കുള്ള സമയങ്ങളില് അധിക ടിക്കറ്റു നിരക്കും ഈടാക്കുന്നുവെന്ന് തിരുവനന്തപുരം മേയര് വിവി രാജേഷ്. തിരുവനന്തപുരത്തെ മാളില് സിനിമ കാണാനെത്തിയ കുടുംബം ഏഴ് ടിക്കറ്റിന് 6048.94 രൂപയാണ് ഓണ്ലൈനില് നല്കിയത്. എന്നാല് സിനിമ കാണാന് ചെന്നപ്പോള് 230 രൂപയുടെ ടിക്കറ്റിനുള്ള സീറ്റാണ് കൊടുത്തതെന്നും മേയര് പറഞ്ഞു. ഇക്കാര്യം അവര് ചൂണ്ടിക്കാട്ടിയപ്പോള് കമ്പനിയാണ് നടത്തുന്നത്, എന്തു വേണമെങ്കിലും ചെയ്തോളൂ എന്നായിരുന്നു മറുപടിയെന്നും മേയര് പറഞ്ഞു..മൂന്നാര് ചുക്കന്മുടി മലനിരകളില് പൂത്ത നീലക്കുറിഞ്ഞി പൂക്കള് പറിച്ചെടുത്ത് തലയില് ചൂടി ഇന്സ്റ്റഗ്രാമില് ഫോട്ടോ പോസ്റ്റ് ചെയ്ത സംഭവത്തില് വനംവകുപ്പ് കേസെടുത്തു. ദൃശ്യങ്ങള് സാമൂഹിക മാധ്യമങ്ങളില് വൈറലായതോടെയാണ് നടപടി. സംരക്ഷിത വിഭാഗത്തില്പ്പെടുന്ന സസ്യമായ നീലക്കുറിഞ്ഞി പറിക്കരുതെന്ന് ജില്ലാ ഭരണകൂടവും വനംവകുപ്പും കര്ശന നിര്ദേശം നല്കിയിരുന്നു. ഇത് മറികടന്നാണ് സഞ്ചാരികള് നീലക്കുറിഞ്ഞി ചെടി പറിച്ചെടുത്ത് ചിത്രം സാമൂഹികമാധ്യമത്തില് പങ്കുവെച്ചത്..മുഖ്യമന്ത്രി വിഡി സതീശന്റെ ഔദ്യോഗിക ഫെയ്സ്ബുക്ക് പേജായ 'സി.എം.ഒ കേരള'ത്തിലെ പോസ്റ്റുകള് നീക്കം ചെയ്ത സംഭവത്തില് മുഖ്യമന്ത്രിയുടെ ഓഫിസ് മെറ്റയ്ക്കും കേന്ദ്ര ഐടി മന്ത്രാലയത്തിനും കത്തയച്ചു. ആശാവര്ക്കര്മാര്ക്കുള്ള ഓണം ഉത്സവബത്ത പ്രഖ്യാപിച്ചതും നബിദിന ആശംസകള് നേര്ന്നതുമായ രണ്ട് പോസ്റ്റുകളാണ് ഫെയ്സ്ബുക്കില് നിന്നും അപ്രത്യക്ഷമായത്..ചിറയിന്കീഴില് പ്രാദേശീക കോണ്ഗ്രസ് നേതാക്കളുമായുള്ള കൈയാങ്കളിയില് പ്രതികരണവുമായി രമ്യ ഹരിദാസ് എംഎല്എ. സജാദ് എന്ന ആള് വീട്ടിലേക്ക് തന്നെ നിര്ബന്ധ പൂര്വം വിളിച്ച് വരുത്തുകയായിരുന്നു. വീട്ടിലെത്തിയപ്പോള് ഡിസിസി ഭാരവാഹികള് അടക്കം അവിടെ ഉണ്ടായിരുന്നു. നാല് പേര് പിന്നീട് വീട്ടിലേക്ക് വന്നു. അനുവാദമില്ലാതെ ഇവര് വിഡിയോ എടുത്തുവെന്നും എംഎല്എ പറഞ്ഞു..ആഫ്രിക്കൻ ത്രിരാഷ്ട്ര ടി20 പോരാട്ടത്തിൽ ത്രില്ലർ ജയവുമായി ദക്ഷിണാഫ്രിക്ക. നമീബിയക്കെതിരായ മത്സരത്തിൽ 11 റൺസിനാണ് പ്രോട്ടീസ് വിജയിച്ചത്. മത്സരത്തിൽ തകർപ്പൻ സെഞ്ച്വറിയുമായി 20കാരൻ ലുവാൻ ഡ്രി പ്രിട്ടോറിയസ് തിളങ്ങി. താരം റെക്കോർഡ് ടി20 സെഞ്ച്വറിയാണ് മത്സരത്തിൽ സ്വന്തമാക്കിയത്. .Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
