മദ്യപിച്ച പണം ചോദിച്ചതിന് 11 കെവി ഫീഡര്‍‍ ഓഫ് ആക്കി; കെഎസ്ഇബി ഉദ്യോ​ഗസ്ഥർക്ക് സസ്പെൻഷൻ

കോട്ടയം: കോട്ടയത്ത് തലയാഴത്തെ 11 കെവി ഫീഡര്‍‍ ഓഫ് ചെയ്ത സംഭവത്തിൽ മൂന്ന് കെഎസ്ഇബി ഉദ്യോഗസ്ഥർക്ക് സസ്പെൻഷൻ‌. കെഎസ്ഇബി തലയാഴം ഇലക്ട്രിക്കല്‍‍ സെക്‌ഷനിലെ ഇലക്ട്രിസിറ്റി വര്‍ക്കര്‍‍മാരായ പി വി അഭിലാഷ്, പി സി‌ സലീംകുമാർ, ചേപ്പാട് ഇലക്ട്രിക്കല്‍ സെക്‌ഷനിലെ ഇലക്ട്രിസിറ്റി വര്‍‍ക്കറായ പി സുരേഷ് കുമാര്‍‍ എന്നിവരെയാണ് പെരുമാറ്റ ദൂഷ്യത്തിന്റെ പേരിൽ സർവീസിൽ നിന്നു സസ്പെൻഡ് ചെയ്തത്. മദ്യപിച്ച ശേഷം പണം നൽകാതെ പോകാനൊരുങ്ങിയ ഉദ്യോ​ഗസ്ഥനെ ബാർ ജീവനക്കാർ ചോദ്യം ചെയ്തതാണ് പ്രകോപനമായത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ചീഫ് വിജിലന്‍സ് ഓഫീസറുടെ റിപ്പോര്‍‍ട്ടിന്‍റെ അടിസ്ഥാനത്തില്‍‍‍ ഇരുവരെയും അടിയന്തരമായി സസ്പെൻഡ് ചെയ്യാൻ കെഎസ്ഇബി തീരുമാനിക്കുകയായിരുന്നു. ആലപ്പുഴ ജില്ലയിലെ പാണവള്ളി പഞ്ചായത്തിലെ ഒരു വീട്ടില്‍‍ മദ്യപിച്ചു ചെന്ന് അതിക്രമം കാട്ടിയെന്ന സ്ത്രീയുടെ പരാതിയിൽ പൂച്ചാക്കല്‍‍ പൊലീസ് സ്റ്റേഷനില്‍ സുരേഷ് കുമാറിനെതിരെ കേസുണ്ട്.