സംസ്ഥാനത്തെ വൈദ്യുതി പ്രതിസന്ധി രൂക്ഷമാകുന്നതിനിടെ കെഎസ്ഇബിക്ക് ആശ്വാസം. 200 മെഗാവാട്ട് വൈദ്യുതി സോളാർ എനർജി കോർപ്പറേഷൻ ഓഫ് ഇന്ത്യയിൽ നിന്ന് വാങ്ങാൻ സംസ്ഥാന വൈദ്യുതി റഗുലേറ്ററി കമ്മീഷൻ അനുമതി നൽകി. 25 വർഷത്തേക്കുള്ള കരാറിലാണ് ഇരുവരും ഒപ്പുവെക്കുക. വൈകുന്നേരങ്ങളിൽ വൈദ്യുതിയുടെ ഉയർന്ന ഉപയോഗ സമയത്ത് അനുഭവപ്പെടുന്ന കടുത്ത ക്ഷാമം പരിഹരിക്കാൻ പുതിയ കരാർ സഹായകരമാകും എന്നാണ് വിലയിരുത്തൽ..മതചടങ്ങുകളില് പൊലീസുകാര് യൂണിഫോം ഇട്ട് പങ്കെടുക്കുന്നതിനെതിരായ ഡിജിപിയുടെ സര്ക്കുലര് തടഞ്ഞ് ഹൈക്കോടതി. പൊലീസ് മേധാവിയുടെ സര്ക്കുലറില് പരിശോധിക്കേണ്ട വിഷയങ്ങളുണ്ടെന്ന് ചൂണ്ടിക്കാട്ടിയാണ് സര്ക്കുലര് തടഞ്ഞത്. പൊലീസ് മേധാവിയുടെ സര്ക്കുലറിനെതിരെ തിരുവനന്തപുരം സ്വദേശി ഡോ. പി.എസ് മഹേന്ദ്ര കുമാറാണ് ഹൈക്കോടതിയെ സമീപിച്ചത്..വനംവകുപ്പ് ഉദ്യോഗസ്ഥര്ക്കെതിരെ രൂക്ഷ പരാമര്ശവുമായി സിപിഎം നേതാവും മുന് മന്ത്രിയുമായ എം എം മണി. മര്യാദയ്ക്ക് അല്ലെങ്കില് ഫോറസ്റ്റുകാര് വഴിയേ നടക്കില്ല. പൊലീസുകാര് ഞങ്ങള്ക്ക് പുല്ലാ... പിന്നെയാ ഫോറസ്റ്റുകാരെന്നും മണി പറഞ്ഞു. ഇടുക്കി കഞ്ഞിക്കുഴി മേഖലയില് റവന്യൂ ഭൂമി വനംവകുപ്പ് കയ്യടക്കുന്നുവെന്ന് ആരോപിച്ച് കര്ഷക സംഘം സംഘടിപ്പിച്ച പ്രതിഷേധത്തിലാണ് മണിയുടെ ഭീഷണിയും മുന്നറിയിപ്പും..ഒഡീഷയിലെ പുരി ജഗന്നാഥ ക്ഷേത്രത്തിലെ രഥയാത്രയ്ക്കിടെ ഉണ്ടായ തിക്കിലും തിരക്കിലും പെട്ട് രണ്ടുപേര് മരിച്ചു. ഇരുന്നൂറിലേറെ പേര്ക്ക് പരിക്കേറ്റു. വ്യാഴാഴ്ച പുരിയിലെ ഗ്രാന്ഡ് റോഡില് (ബഡാ ദണ്ഡ) നടന്ന ജഗന്നാഥ രഥയാത്ര കാണാനായി ആയിരക്കണക്കിന് ഭക്തരാണ് തടിച്ചുകൂടിയത്.. കൈക്കൂലി വാങ്ങുന്ന വിഡിയോ സമൂഹമാധ്യമങ്ങളില് വൈറലായതിന് പിന്നാലെ ടിവികെ നേതാവിനെ പാര്ട്ടിയില് നിന്ന് പുറത്താക്കി. ചെങ്കല്പട്ട് ഈസ്റ്റ് ഡിസ്ട്രിക്റ്റ് ജോയിന്റ് സെക്രട്ടറിയും മാമ്പാക്കം പഞ്ചായത്ത് യൂണിയന് ചെയര്മാനുമായിരുന്ന വീരസാമിക്കെതിരെയാണ് നടപടി. പാര്ട്ടിയില് നിന്ന് പുറത്താക്കിയതിന് പിന്നാലെ ഇയാളെ പൊലീസ് അറസ്റ്റ് ചെയ്തു..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
