കൊച്ചി : ചെല്ലാനം പഞ്ചായത്തില് ഇടതുമുന്നണിക്ക് കനത്ത തിരിച്ചടി. പ്രസിഡന്റിനെതിരെ ട്വന്റി 20യും യുഡിഎഫും കൊണ്ടുവന്ന അവിശ്വാസ പ്രമേയം പാസ്സായി. ഒമ്പതിനെതിരെ 12 വോട്ടുകള്ക്കാണ് അവിശ്വാസം പാസ്സായത്.
ഇതോടെ പഞ്ചായത്തില് ഇടതുമുന്നണിക്ക് ഭരണം നഷ്ടമായി. 21 അംഗങ്ങളാണ് ചെല്ലാനം പഞ്ചായത്തിലുള്ളത്. എല്ഡിഎഫിന് 9 സീറ്റ്, ട്വന്റി ട്വന്റിക്ക് 8 സീറ്റ്, യുഡിഎഫിന് നാല് സീറ്റ് എന്നിങ്ങനെയാണ് കക്ഷി നില. പ്രാദേശിക കൂട്ടായ്മയായ ട്വന്റി-20 അരാഷ്ട്രീയമാണ് എന്നായിരുന്നു നേരത്തെ ഇടത്-വലത് മുന്നണികളുടെ നിലപാട്.
തദ്ദേശ തെരഞ്ഞെടുപ്പില് മികച്ച വിജയം നേടിയിട്ടും ഇവരെ മുന്നണികള് അകറ്റി നിര്ത്തുകയായിരുന്നു. എന്നാല് ഇനി മാറ്റി നിര്ത്തേണ്ടതില്ല എന്ന് കോണ്ഗ്രസ് തീരുമാനിച്ചു. ഇതേത്തുടർന്നാണ് ഇരു സഖ്യവും ചേർന്ന് ഇടതുമുന്നണിക്കെതിരെ അവിശ്വാസം കൊണ്ടുവന്നത്. ട്വന്റി-20 ക്ക് പ്രസിഡന്റ് പദവിയും യുഡിഎഫിന് വൈസ് പ്രസിഡന്റ് പദവിയും ലഭിക്കുമെന്നാണ് സൂചന.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
