കണ്ണൂര്: കണ്ണൂര് ജില്ലയിലെ മലയോര പ്രദേശമായ ഇരിട്ടിക്ക് സമീപമുള്ള കാക്കയങ്ങാട് ജനവാസ കേന്ദ്രത്തില് പുലി പന്നി കെണിയില് കുടുങ്ങി.കാക്കയങ്ങാട് ടൗണിന് സമീപം സ്വകാര്യ വ്യക്തിയുടെ പറമ്പിലാണ് പുലിയെ കയറില് കുടുങ്ങിയ നിലയില് കണ്ടത്. പൊലീസും വനം വകുപ്പും സ്ഥലത്തെത്തി.
പുലര്ച്ചെയാണ് സംഭവം. പുലിയെ കൂട്ടിലേക്ക് കയറ്റാനുള്ള ശ്രമങ്ങള് തുടരുകയാണ്. മയക്കുവെടി വെച്ചതിനു ശേഷമായിരിക്കും പുലിയെ സ്ഥലത്ത് നിന്നും മാറ്റുക. ഇവിടേക്ക് ജനക്കൂട്ടം വരുന്നത് കാക്കയങ്ങാട് പൊലിസ് നിയന്ത്രിച്ചിട്ടുണ്ട്. നേരത്തെ ഈ മേഖലയില് പുലിയുടേതെന്ന് സംശയിക്കുന്ന കാല്പ്പാടുകള് കണ്ടെത്തിയിരുന്നു. നിരവധി വളര്ത്തുമൃഗങ്ങളും കൊല്ലപ്പെട്ടിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
