ബസ് കാത്തു നിന്ന മാധ്യമപ്രവര്‍ത്തകയ്ക്ക് നേരേ അതിക്രമം; പിടികൂടിയപ്പോൾ വിവസ്ത്രനായി രക്ഷപ്പെട്ടു, അന്വേഷണം

തിരുവനന്തപുരം: തിരുവനന്തപുരം ആറ്റിങ്ങലില്‍ മാധ്യമപ്രവര്‍ത്തകയ്ക്ക് നേരേ യുവാവിന്റെ ലൈം​ഗികാതിക്രമം. ബസ് കാത്തു നിന്ന മാധ്യമപ്രവര്‍ത്തകയെ ഫോണില്‍ അശ്ലീലദൃശ്യങ്ങള്‍ കാണിച്ചശേഷം ആക്രമിക്കാന്‍ ശ്രമിക്കുകയായിരുന്നു. 

കഴിഞ്ഞദിവസം രാത്രി ആറ്റിങ്ങലിലെ പ്രൈവറ്റ് ബസ് സ്റ്റാന്‍ഡിൽ വെച്ചായിരുന്നു സംഭവം. മാധ്യമപ്രവര്‍ത്തക ബഹളം വെച്ചതോടെ ഓടിക്കൂടിയ നാട്ടുകാര്‍ യുവാവിനെ പിടികൂടിയെങ്കിലും ഇയാള്‍ വിവസ്ത്രനായി ഓടിരക്ഷപ്പെട്ടു. 

പൊലീസ് പ്രതിക്കു വേണ്ടി അന്വേഷണം ഊർജ്ജിതമാക്കി.