കുരങ്ങ് കൊക്കയിലേക്ക് എറിഞ്ഞത് 75,000 രൂപയുടെ ഐ ഫോൺ; റോപ്പുകെട്ടി ഇറങ്ങി അ​ഗ്നിരക്ഷാ സേന

വയനാട്: കുരങ്ങ് കൊക്കയിലേക്ക് വലിച്ചെറിഞ്ഞ വിനോദ സഞ്ചാരിയുടെ ഐ ഫോൺ വീണ്ടെടുത്ത് നൽകി അ​ഗ്നിരക്ഷാ സേന. കോഴിക്കോട് നിന്നും വയനാട് കാണാനെത്തി ജാസിമിന്റെ 75,000 രൂപ വില വരുന്ന ഐ ഫോൺ ആണ് വികൃതി കുരങ്ങ് ചുരം വ്യൂ പോയിന്റിന് താഴെ കൊക്കയിലേക്ക് എറിഞ്ഞത്.

ജീപ്പിലെത്തിയ സഞ്ചാരികൾ വ്യൂ പോയിന്റ് കാണാൻ ഇറങ്ങിയ സമയത്താണ് കുരങ്ങന്മാർ ജീപ്പിൽ വെച്ചിരുന്ന ഐ ഫോൺ കൈക്കലാക്കിയത്. തുടർന്ന് കൊക്കയിലേക്ക് എറിയുകയായിരുന്നു. ഫോൺ എടുക്കാൻ മറ്റ് മാർ​ഗമില്ലാതെ വന്നതോടെയാണ് ജാസിം കൽപ്പറ്റ ഫയർഫോഴ്‌സിനെ വിളിക്കുന്നത്. ഉടൻ തന്നെ ഫയർഫോഴ്‌സ് എത്തി സ്ഥലം പരിശോധിച്ചു.

റോപ്പ് കെട്ടി താഴെയിറങ്ങിയാണ് അ​ഗ്നിരക്ഷാ സേന ഫോൺ വീണ്ടെടുത്തത്. അരമണിക്കോറോളം നീണ്ട പരിശ്രമത്തിനൊടുവിലാണ് താഴെയിറങ്ങി ഫോണ്‍ എടുക്കാനായത്. ഫോണിന് മറ്റ് കേടുപാടുകളൊന്നും സംഭവിച്ചിട്ടില്ലെന്ന് അ​ഗ്നിരക്ഷാ സേന അറിയിച്ചു. 

ഈ വാര്‍ത്ത കൂടി വായിക്കൂ 

നിപ; കാലിക്കറ്റ് സര്‍വകലാശാല 23വരെയുള്ള പരീക്ഷകള്‍ മാറ്റി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ