തൃശ്ശൂര്: മൂര്ക്കനാട് ഉത്സവത്തിനിടെ നടന്ന കത്തിക്കുത്തില് മരണം രണ്ടായി. ആനന്ദപുരം സ്വദേശി പൊന്നത്ത് വീട്ടില് പ്രഭാകരന്റെ മകന് സന്തോഷ് (40) ആണ് മരിച്ചത്. ഇന്ന് പുലര്ച്ചെയാണ് മരണം സംഭവിച്ചത്.
കഴിഞ്ഞ ദിവസം ഉത്സവത്തിന്റെ ആറാട്ടിനോട് അനുബന്ധിച്ചുള്ള വെടിക്കെട്ടിനിടെയാണ് മൂര്ക്കനാട് ആലുംപറമ്പില് വച്ച് സംഘര്ഷം നടന്നത്. മുന്പ് നടന്ന ഫുട്ബോള് ടൂര്ണമെന്റില് ഉണ്ടായ സംഘര്ഷത്തിന്റെ തുടര്ച്ചയാണെന്ന് പൊലീസ് പറഞ്ഞു. സംഘം ചേര്ന്ന് ചേരിതിരിഞ്ഞ് നടന്ന സംഘര്ഷത്തില് ആറോളം പേര്ക്ക് കുത്തേറ്റിരുന്നു. ഇതില് വെളുത്തൂര് സ്വദേശി അക്ഷയ് (21) സംഭവ സ്ഥലത്ത് വച്ച് തന്നെ മരിച്ചിരുന്നു. നാല് പേര് ഇപ്പോഴും തൃശ്ശൂരിലെ സ്വകാര്യ ആശുപത്രിയില് ചികിത്സയിലാണ്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഗുരുതര പരിക്കേറ്റ സന്തോഷ് എറണാകുളത്ത് സ്വകാര്യ ആശുപത്രിയില് ചികിത്സയിലിരിക്കെയാണ് ഇന്ന് പുലര്ച്ചെയാണ് മരിച്ചത്. ഇയാളുടെ ആന്തരിക അവയവങ്ങള്ക്ക് കത്തി കുത്തില് പരിക്കേറ്റിരുന്നു. സംഭവത്തില് പ്രായപൂര്ത്തിയാകാത്ത ഒരാള് അടക്കം ആറ് പേരെ പൊലീസ് അറസ്റ്റ് ചെയ്തിട്ടുണ്ട്. പ്രധാന പ്രതികള് ഇനിയും പിടിയിലായിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
