ഇന്നലെ കണ്ണൂരില് കെ എസ് യു പ്രതിഷേധത്തിനിടെ പരിക്കേറ്റ മന്ത്രി വിണാ ജോര്ജിന്റെ കഴുത്തിന് നേരിയ ക്ഷതമമെന്ന് എംആര്ഐ സ്കാനിങ് റിപ്പോര്ട്ട്. കഴുത്തിലേറ്റ പരിക്ക് മൂലം വലതുകൈയില് മരവിപ്പ് ഉണ്ടെന്നും റിപ്പോര്ട്ടില് പറയുന്നു. ഇടതുകൈയിലും നേരിയ ക്ഷതമുണ്ട്. എന്നാല് എംആര്ഐ സ്കാനിങില് ഗുരുതര പ്രശ്നമില്ലന്നാണ് വിവരം. രാവിലെ എട്ട് മണിക്ക് മെഡിക്കല് ബോര്ഡ് യോഗം ചേരും അതിന് പിന്നാലെ പത്ത് മണിക്ക് മെഡിക്കല് ബുള്ളറ്റിന് ഇറക്കും. അതില് മന്ത്രിയുടെ ആരോഗ്യവിവരങ്ങള് സംബന്ധിച്ച് വിശദമായ വിവരങ്ങള് ഉണ്ടാകും.. മുഖ്യമന്ത്രി പിണറായി വിജയനും നടന് മോഹന്ലാലുമായുള്ള അഭിമുഖത്തിന്റെ പൂര്ണരൂപം ഇന്നിറങ്ങും. 'കണ്ടും മിണ്ടിയും ഇരുവര്' എന്ന് പേരിട്ട അഭിമുഖം ഇന്ന് വൈകിട്ട് ചാനലുകളിലും സാമൂഹിക മാധ്യമ പേജുകളിലും കാണാം. രണ്ട് ദിവസമെടുത്തു ക്ലിഫ് ഹൗസില് ചിത്രീകരിച്ച അഭിമുഖം സംവിധാനം ചെയ്തത് ടികെ രാജീവ് കുമാര് ആണ്..വയനാട്ടില് കോണ്ഗ്രസ് നിര്മ്മിച്ച് നല്കുന്ന വീടുകളുടെ തറക്കല്ലിടല് ചടങ്ങില് പങ്കെടുക്കാന് കോണ്ഗ്രസ് എംപിമാരായ രാഹുല് ഗാന്ധിയും പ്രിയങ്ക ഗാന്ധിയും ഇന്ന് കേരളത്തിലെത്തും. കല്പ്പറ്റയില് നടക്കുന്ന ചടങ്ങില് രാഹുല് ഗാന്ധി വീടുകളുടെ തറക്കല്ലിടും. പ്രിയങ്ക ഗാന്ധിയും ചടങ്ങിൽ പങ്കെടുക്കും..അയ്യപ്പന്റെ ജന്മദിനമായ ഏപ്രില് ഒന്നിന് കേരളത്തിലെ വിശ്വാസികള് വീടുകളില് ചിരാത് തെളിയിക്കണമെന്ന് കേന്ദ്ര സഹമന്ത്രി സുരേഷ് ഗോപി. സൂര്യന് ഉദിക്കുമ്പോള് മുതല് വൈകിട്ട് ഹരിവരാസനം പാടുന്നതുവരെ അത് തെളിയിക്കണമെന്നും സുരേഷ് ഗോപി പറഞ്ഞു. ചെങ്ങന്നൂരില് ബിജെപിയുടെ നേതൃത്വത്തില് നടത്തിയ 'വിശ്വാസ ജനസഭ' എന്ന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.ടി20 ലോകകപ്പ് സൂപ്പർ 8 റൗണ്ടിൽ ഇന്ത്യയ്ക്ക് ഇന്ന് നിർണായക പോരാട്ടം. സിംബാബ്വെ ആണ് എതിരാളി. ആദ്യ മത്സരത്തിൽ സൗത്ത് ആഫ്രിക്കയുമായി തോൽവി ഏറ്റു വാങ്ങിയ ഇന്ത്യയ്ക്ക് ഇന്നത്തെ മത്സരത്തിൽ വിജയം നേടിയാൽ സെമി സാധ്യത നിലനിർത്താൻ സാധിക്കും. വെസ്റ്റ് ഇൻഡീസുമായി തോൽവി വഴങ്ങിയാണ് സിംബാബ്വെയും ഇന്നത്തെ മത്സരത്തിന് എത്തുന്നത്.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
