മരംമുറി കേസ്; റവന്യു, വനംവകുപ്പ് ഉദ്യോഗസ്ഥര്‍ക്ക് എതിരെ വിജിലന്‍സ് അന്വേഷണം, സര്‍ക്കാര്‍ ഉത്തരവിറങ്ങി

തിരുവനന്തപുരം: മുട്ടില്‍ മരംമുറി കേസില്‍ വിജിലന്‍സ് അന്വേഷണത്തിന് സര്‍ക്കാര്‍ ഉത്തരവ്. വനം, റവന്യു ഉദ്യോഗസ്ഥര്‍ക്ക് എതിരെയാണ് അന്വേഷണം.

പ്രത്യേക അന്വേഷണ സംഘത്തിന്റെ ശുപാര്‍ശ പ്രകാരമാണ് നടപടി. ഉദ്യോഗസ്ഥര്‍ സാമ്പത്തിക നേട്ടമുണ്ടാക്കിയോ എന്നാണ് അന്വേഷിക്കുന്നത്. 

പ്രതികളെ സഹായിക്കാന്‍ ഫയലുകളില്‍ അനുകൂല തീരുമാനം എഴുതിയോയെന്നും പരിശോധിക്കും. അന്വേഷണത്തിന് നിയമപ്രാബല്യമുണ്ടാകാനാണ് പ്രത്യേക ഉത്തരവിറക്കിയത്.

നിലവില്‍ വനം വകുപ്പിലേയും റവന്യു വകുപ്പിലെയും രുവീതം ഉദ്യോഗസ്ഥരെയാണ് കേസില്‍ ക്രൈംബ്രാഞ്ച് പ്രതിചേര്‍ത്തിരിക്കുന്നത്.