ബ്ലോക്കിലാകരുത് ഓണം; റോഡ് സുരക്ഷാ മാർ​ഗനിർദേശങ്ങളുമായി എംവിഡി

തിരുവനന്തപുരം: നാടെങ്ങും ഓണാഘോഷങ്ങൾ പൊടിപൊടിക്കുകയാണ്. ഇതിനിടെ ന​ഗരത്തിലെക്ക് വാഹനവുമായി ഇറങ്ങുമ്പോൾ നിര്‍ബന്ധമായും പാലിക്കേണ്ട നിര്‍ദേശങ്ങളുമായി എംവിഡി. ആഘോഷങ്ങള്‍ക്കിടയില്‍ റോഡ് സൗകര്യം വെച്ച് എങ്ങനെ ബ്ലോക്ക് കുറയ്ക്കാമെന്ന നിര്‍ദേശങ്ങളാണ് എംവിഡി നല്‍കിയിരിക്കുന്നത്. ഫേസ്ബുക്ക് പേജിലൂടെയാണ് എംവിഡിയുടെ നിര്‍ദേശങ്ങള്‍.

• ബ്ലോക്കിൽ നിർബന്ധമായും ക്യൂ പാലിക്കുക .

• ബ്ലോക്കിൽ കിടക്കുമ്പോൾ എതിരെ വരുന്ന വാഹനങ്ങൾക്കും സൈഡ് റോഡിൽ നിന്നും റോഡ് മുറിച്ചു കടക്കാൻ ആരെക്കിലും ഉണ്ടെങ്കിലും അവർക്ക് വഴി നൽകുക . ഞാൻ ബ്ലോക്കിൽ അല്ലെ എല്ലാവരും കിടക്കട്ടെ എന്ന സങ്കുചിത ചിന്ത ഒഴിവാക്കുക .

• ബ്ലോക്കിൽ നിന്നും ഒരു വണ്ടിെയെങ്കിലും ഒഴിവായാൽ തനിക്ക് കുറച്ചു മുൻപേ പോകാൻ സാധിക്കും എന്ന യാഥാർഥ്യം മനസിലാക്കുക

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

• പരമാവധി പബ്ലിക് ട്രാൻസ്‌പോർട് സംവിധാനം ഉപയോഗപ്പെടുത്തുക.

• പീക്ക് ടൈമിൽ ഷോപ്പിംഗ് പോലുള്ള കാര്യങ്ങൾക്കുള്ള യാത്ര മാറ്റി offpeak ടൈം തിരഞ്ഞെടുക്കുക.

• റോഡിൽ അനാവശ്യ പാർക്കിംഗ് ഒഴിവാക്കുക.

• കടയുടെ മുന്നിൽ പാർക്കിങ് സ്പേസ് ലഭ്യമല്ലെങ്കിൽ മുന്നോട്ട് പോയി റോഡിൽ നിന്നും ഇറക്കി പാർക്ക് ചെയ്തിട്ട് തിരികെ നടന്നു വരിക . റോഡിൽ നിർബന്ധം ആയും പാർക്കിംഗ് പാടില്ല.