നിലമ്പൂര്‍ തിരിച്ചുപിടിച്ച് യുഡിഎഫ്; കരുത്തുകാട്ടി അന്‍വര്‍; മോദിയെ വീണ്ടും പുകഴ്ത്തി തരൂര്‍; ഇന്നത്തെ അഞ്ച് പ്രധാന വാര്‍ത്തകള്‍

മോദിയുടെ ഊര്‍ജ്ജസ്വലത, ചലനാത്മകത, ഇടപെടാനുള്ള സന്നദ്ധത എന്നിവ ആഗോളതലത്തില്‍ ഇന്ത്യയ്ക്ക് പ്രധാന നേട്ടമാണെന്ന് തരൂര്‍ അഭിപ്രായപ്പെട്ടു.

Nilambur by election Aryadan Shoukath victorty

today top five news

1. പ്രധാനമന്ത്രിയുടെ ഊര്‍ജ്ജസ്വലതയും ഇടപെടല്‍ ശേഷിയും ആഗോള തലത്തില്‍ ഇന്ത്യയ്ക്ക് നേട്ടം; മോദിയെ വീണ്ടും പുകഴ്ത്തി ശശി തരൂര്‍

ശശി തരൂർ, നരേന്ദ്രമോദി ( shashi tharoor, narendra modi ) ഫയൽ

പ്രധാനമന്ത്രി നരേന്ദ്രമോദിയെ വീണ്ടും പുകഴ്ത്തി കോണ്‍ഗ്രസ് എംപി ശശി തരൂര്‍. മോദിയുടെ ഊര്‍ജ്ജസ്വലത, ചലനാത്മകത, ഇടപെടാനുള്ള സന്നദ്ധത എന്നിവ ആഗോളതലത്തില്‍ ഇന്ത്യയ്ക്ക് പ്രധാന നേട്ടമാണെന്ന് തരൂര്‍ അഭിപ്രായപ്പെട്ടു. മോദി കൂടുതല്‍ പിന്തുണ അര്‍ഹിക്കുന്നുണ്ടെന്നും തരൂര്‍ കൂട്ടിച്ചേര്‍ത്തു. കോണ്‍ഗ്രസ് നേതൃത്വവുമായുള്ള ഭിന്നത തുടരുന്നതിനിടെയാണ് തരൂരിന്റെ പുതിയ പരാമര്‍ശം.

2. നിലമ്പൂരിന്റെ ഹൃദയം തൊട്ട് ഷൗക്കത്ത്;നിലംപരിശായി എം സ്വരാജ്, ഷോക്ക് ട്രീറ്റ്‌മെന്റായി അന്‍വര്‍

ആര്യാടൻ ഷൗക്കത്ത്

നിലമ്പൂര്‍ ഉപതെരഞ്ഞെടുപ്പിൽ യുഡിഎഫ് സ്ഥാനാർഥി ആര്യാടൻ ഷൗക്കത്തിന് മിന്നുന്ന വിജയം. ഇടതു സ്ഥാനാർഥിയായി വിജയിച്ച പി വി അൻവർ രാജിവച്ചതിനെ തുടർന്നു നടന്ന ഉപതിരഞ്ഞെടുപ്പിൽ പതിനൊന്നായിരത്തിലേറെ വോട്ടിന്റെ ഭൂരിപക്ഷത്തിനാണ് ഷൗക്കത്ത് പിതാവ് ആര്യാടൻ മുഹമ്മദ് ദീർഘകാലം കുത്തകയാക്കിവെച്ചിരുന്ന മണ്ഡലം യുഡിഎഫിനുവേണ്ടി തിരിച്ചുപിടിച്ചത്. സിപിഎമ്മിന്റെ എം സ്വരാജിനെ 11077 വോട്ടിനാണ് ഷൗക്കത്ത് പരാജയപ്പെടുത്തിയത്.

3. ഹൃദയാഘാതം, വിഎസ് ആശുപത്രിയിൽ

VS Achuthanandan

മുൻ മുഖ്യമന്ത്രി വി എസ് അച്യുതാനന്ദനെ ആശുപത്രിയില്‍ പ്രവേശിപ്പിച്ചു. രാവിലെ ശാരീരിക അസ്വസ്ഥത പ്രകടിപ്പിച്ചതിനെ തുടര്‍ന്ന് തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു.

4. ഇരുപക്ഷത്തോടും പടവെട്ടി ഇരുപതിനായിരത്തോളം വോട്ട്; മൂന്നാമതായിട്ടും 'ജയിച്ചുകയറി' അന്‍വര്‍

Nilambur by election 2025 P V Anvar performance against udf and ldf Social Media

2016 നിയമസഭാ തെരഞ്ഞെടുപ്പില്‍ കൈവിട്ട നിലമ്പൂര്‍ നിയമസഭാ മണ്ഡലം 2025ല്‍ ഉപതെരഞ്ഞെടുപ്പിലൂടെ യുഡിഎഫ് തിരിച്ചുപിടിക്കുമ്പോള്‍ ജനവിധിയില്‍ നിര്‍ണായകമായി പി വി അന്‍വര്‍. 1987 മുതല്‍ 2011 വരെ കോണ്‍ഗ്രസിലെ ആര്യാടന്‍ മുഹമ്മദ് തുടര്‍ച്ചയായി വിജയിച്ച നിലമ്പൂര്‍ പിടിച്ചെടുക്കാന്‍ എല്‍ഡിഎഫ് ഇറക്കിയ അതേ തുറുപ്പുചീട്ട് ഇത്തവണ മണ്ഡലത്തില്‍ വിജയം കുറിക്കാന്‍ യുഡിഎഫിന് സഹായകമായി. വോട്ടണ്ണലിന്റെ ഒരു ഘട്ടത്തിലും യുഡിഎഫ് സ്ഥാനാര്‍ഥി ആര്യാടന്‍ ഷൗക്കത്ത് പിന്നോട്ട് പോയില്ല. എല്‍ഡിഎഫ് ശക്തികേന്ദ്രങ്ങളില്‍ പോലും പിടിച്ചുനില്‍ക്കാന്‍ യുഡിഎഫിനായി.

5. ഇറാനിലെ ഫൊര്‍ദോ ആണവകേന്ദ്രത്തിന് നേരെ വീണ്ടും ആക്രമണം; ജയിലും വ്യോമതാവളങ്ങളും ലക്ഷ്യമിട്ട് ഇസ്രയേല്‍

US airstrikes on Iran's nuclear sitesfile

ഇസ്രയേല്‍ - ഇറാന്‍ സംഘര്‍ഷത്തില്‍ യുഎസ് ഇടപെടലിന് പിന്നാലെ ആക്രമിക്കപ്പെട്ട ഇറാന്റെ ഫൊര്‍ദോ ആണവകേന്ദ്രത്തിനു നേര്‍ക്ക് വീണ്ടും ആക്രമണം നടന്നതായി റിപ്പോര്‍ട്ട്. തിങ്കളാഴ്ച ആണവ കേന്ദ്രം വീണ്ടും ആക്രമിപ്പെട്ടെന്നാണ് പ്രാദേശിക മാധ്യമങ്ങളെ ഉദ്ധരിച്ച് രാജ്യാന്തര വാര്‍ത്താ ഏജന്‍സിയായ എഎഫ്പി റിപ്പോര്‍ട്ട് ചെയ്യുന്നത്. എന്നാല്‍, തിങ്കളാഴ്ചത്തെ ആക്രമണങ്ങള്‍ക്ക് പിന്നില്‍ ആരാണെന്നതില്‍ വ്യക്തയില്ല.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates

vs achuthanandan

shashi tharoor

aryadan shaukath

nilambur by election 2025

US airstrikes on Iran's nuclear sites

2. നിലമ്പൂരിന്റെ ഹൃദയം തൊട്ട് ഷൗക്കത്ത്;നിലംപരിശായി എം സ്വരാജ്, ഷോക്ക് ട്രീറ്റ്‌മെന്റായി അന്‍വര്‍

3. ഹൃദയാഘാതം, വിഎസ് ആശുപത്രിയിൽ

4. ഇരുപക്ഷത്തോടും പടവെട്ടി ഇരുപതിനായിരത്തോളം വോട്ട്; മൂന്നാമതായിട്ടും 'ജയിച്ചുകയറി' അന്‍വര്‍

5. ഇറാനിലെ ഫൊര്‍ദോ ആണവകേന്ദ്രത്തിന് നേരെ വീണ്ടും ആക്രമണം; ജയിലും വ്യോമതാവളങ്ങളും ലക്ഷ്യമിട്ട് ഇസ്രയേല്‍

Related Stories