കല്പ്പറ്റ: വയനാട് പുല്പ്പള്ളിയില് കടുവ ആക്രമണത്തില് ഒരാള് മരിച്ചു. ദേവര്ഗദ്ധ ഉന്നതിയിലെ കൂമനാണ് മരിച്ചത്. പുഴയോരത്ത് വച്ച് കടുവ പിടികൂടി വനമേഖലയിലേക്ക് വലിച്ചിഴച്ചു കൊണ്ടുപോകുകയായിരുന്നുവെന്നാണ് റിപ്പോര്ട്ടുകള്.
ഇന്ന് രാവിലെയാണ് സംഭവം. സഹോദരിയോടൊപ്പം പുഴയോരത്ത് വനമേഖലയോട് ചേര്ന്ന് വിറക് ശേഖരിക്കാന് പോയ സമയത്താണ് കടുവ ആക്രമിച്ചത്. വനപാലകരെ ഉടന് വിവരം അറിയിച്ചു. തുടര്ന്ന് നാട്ടുകാരും വനപാലകരും ചേര്ന്ന് നടത്തിയ പരിശോധനയില് രണ്ടു കിലോമീറ്റര് മാറി കാട്ടിനുള്ളില് നിന്നാണ് മൃതദേഹം കണ്ടെത്തിയത്.
വയനാട് വന്യജീവി സങ്കേതത്തിന്റെ ഭാഗമായ കുറിച്ചിയാട് റേഞ്ചില് പെട്ട പ്രദേശമാണിത്. തോളിനാണ് കടിയേറ്റത്. തല്ക്ഷണം മരണം സംഭവിച്ചു എന്നാണ് പ്രാഥമിക നിഗമനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
