നേപ്പാളില്‍ മിന്നല്‍ പ്രളയത്തില്‍ 50 ലേറെ മരണം, 105 ഇന്ത്യക്കാരെ കാണാതായി, കുടുങ്ങിയവരില്‍ മലയാളി സംഘവും, ഇന്ന് തീവ്രമഴ മുന്നറിയിപ്പ്; ഇന്നത്തെ 5 പ്രധാന വാര്‍ത്തകള്‍

നേപ്പാളിനെ പിടിച്ചുലച്ച് വന്‍ മിന്നല്‍ പ്രളയം. പ്രളയത്തില്‍ 50 ലേറെ പേര്‍ മരിച്ചു. 105 ഇന്ത്യാക്കാര്‍ അടക്കം 400 ലേറെ പേരെ കാണാതായി. കുടുങ്ങിയവരില്‍ മലയാളി ടൂറിസ്റ്റ് സംഘവും ഉള്‍പ്പെടുന്നു. സംസ്ഥാനത്ത് മധ്യകേരളത്തില്‍ ഇന്ന് തീവ്രമഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

നേപ്പാളിലെ മിന്നല്‍ പ്രളയത്തില്‍ മരണസംഖ്യ ഉയരുന്നു. മരണം 50 കടന്നു. മരണസംഖ്യ ഇനിയും ഉയരുമെന്നാണ് അധികൃതർ സൂചിപ്പിക്കുന്നത്. 105 ഇന്ത്യാക്കാര്‍ അടക്കം 400 പേരെ പ്രളയത്തില്‍ കാണാതായതായാണ് റിപ്പോര്‍ട്ട്. ടിബറ്റിനോട് ചേര്‍ന്നുള്ള റസുവ ജില്ലയിലാണ് വന്‍ നാശം വിതച്ച് മിന്നല്‍ പ്രളയമുണ്ടായത്. നിരവധി കെട്ടിടങ്ങള്‍, വാഹനങ്ങള്‍, വീടുകള്‍, പാലങ്ങള്‍ തുടങ്ങിയ മലവെള്ളപ്പാച്ചിലില്‍ ഒലിച്ചു പോയി.

നേപ്പാളിലെ മിന്നല്‍ പ്രളയത്തില്‍ മലയാളി സംഘവും കുടുങ്ങിയെന്ന വാര്‍ത്തകളുടെ അടിസ്ഥാനത്തില്‍ അടിയന്തര ഇടപെടലുമായി സംസ്ഥാന സര്‍ക്കാര്‍. പ്രളയത്തില്‍ കുടുങ്ങിയ മലയാളികളുടെ സുരക്ഷയും വിവരങ്ങളും ഔദ്യോഗികമായി അന്വേഷിക്കുന്നതിനായി ചീഫ് സെക്രട്ടറിയെ മുഖ്യമന്ത്രി വി ഡി സതീശന്‍ ചുമതലപ്പെടുത്തി. മിന്നല്‍ പ്രളയത്തില്‍ 36 അംഗ മലയാളി ടൂറിസ്റ്റ് സംഘമാണ് അപകടമേഖലയില്‍ കുടുങ്ങിയത്.

 സംസ്ഥാനത്തെ മഴ മുന്നറിയിപ്പില്‍ മാറ്റം. തിരുവോണ ദിനമായ ഇന്ന് മധ്യകേരളത്തില്‍ തീവ്രമഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം. വൈകീട്ട് പുറപ്പെടുവിച്ച മുന്നറിയിപ്പില്‍ നാലു ജില്ലകളിലാണ് തീവ്രമഴയ്ക്ക് സാധ്യത പ്രവചിച്ചിട്ടുള്ളത്. പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലാണ് കാലാവസ്ഥ വകുപ്പ് ഓറഞ്ച് അലര്‍ട്ട് പ്രഖ്യാപിച്ചിരിക്കുന്നത്.

മരിക്കുവോളം ശ്രീനിവാസൻ രാജാവിനെപ്പോലെ ജീവിച്ച് പോയ ആളാണെന്ന് അദ്ദേഹത്തിന്റെ മകനും നടനുമായ ധ്യാൻ ശ്രീനിവാസൻ. ഇതിനപ്പുറത്തേക്ക് മലയാള സിനിമയ്ക്ക് സംഭാവന ചെയ്യാനും അദ്ദേഹത്തിന് ഇനിയൊന്നും ബാക്കിയില്ലെന്നും ധ്യാൻ പറഞ്ഞു.ബൈപാസ് കഴി‍ഞ്ഞ സമയത്തൊക്കെ നമ്മൾ വിചാരിച്ചത് കുറച്ചു കാലം കൂടി അച്ഛൻ നമ്മുടെ കൂടെ ഉണ്ടാകുമെന്നാണ്. ഇനി ഇവരുടെ കൂടെ സമയം ചെലവഴിക്കാം എന്ന് ചിന്തിച്ച് ഇരിക്കുമ്പോഴാണ് അച്ഛൻ വിട്ട് പോയത്.

ഇന്ത്യക്കെതിരായ രണ്ടാം ടെസ്റ്റില്‍ ഫോളോ-ഓണ്‍ ചെയ്ത ശ്രീലങ്ക ഇന്നിങ്‌സ് തോല്‍വി ഒഴിവാക്കി. നാലാംദിനം മഴയെത്തുടര്‍ന്ന് കളി നേരത്തെ അവസാനിപ്പിക്കുമ്പോള്‍ ലങ്ക രണ്ടാം ഇന്നിങ്‌സില്‍ 6 വിക്കറ്റ് നഷ്ടത്തില്‍ 229 റണ്‍സ് എന്ന നിലയിലാണ്. നിലവില്‍ അവര്‍ക്ക് ഇന്ത്യക്കെതിരെ 16 റണ്‍സിന്റെ ലീഡാണുള്ളത്. 92 റണ്‍സെടുത്ത പസിന്ദു സൂര്യബന്ദാരയാണ് ലങ്കന്‍ നിരയിലെ ടോപ് സ്‌കോറര്‍.