പത്തനംതിട്ട: സിപിഎം പത്തനംതിട്ട ജില്ലാ കമ്മിറ്റിയുടെ വാട്സ് ആപ്പ് ഗ്രൂപ്പില് നിന്നും മുതിര്ന്ന നേതാവായ എ പത്മകുമാറിനെ ഒഴിവാക്കി. ജില്ലാ സെക്രട്ടറി ഉള്പ്പെടെ അഡ്മിനായ ഗ്രൂപ്പില് നിന്നാണു പത്മകുമാറിനെ ഒഴിവാക്കിയത്. തിരുവിതാംകൂര് ദേവസ്വം ബോര്ഡ് മുന് പ്രസിഡന്റായ എ പത്മകുമാര് നിലവില് സിപിഎം പത്തനംതിട്ട ജില്ലാ കമ്മിറ്റി അംഗമാണ്.
ശബരിമല സ്വര്ണക്കൊള്ള കേസില് അറസ്റ്റിലായി മൂന്നര മാസത്തോളം ജയിലില് കിടന്ന പത്മകുമാര് അടുത്തിടെയാണ് ജാമ്യം നേടി പുറത്തിറങ്ങിയത്. സ്വര്ണ്ണക്കൊള്ള കേസില് അറസ്റ്റിലായി ജയിലിലായിട്ടും പാര്ട്ടി നടപടിയൊന്നും സ്വീകരിച്ചിരുന്നില്ല. ജില്ലാ കമ്മിറ്റി അംഗമായി പത്മകുമാര് തുടരുകയാണ്.
കഴിഞ്ഞ വെള്ളിയാഴ്ച വാട്സ്ആപ്പ് ഗ്രൂപ്പില് നിന്ന് ഒഴിവാക്കിയതിന്റെ സ്ക്രീന്ഷോട്ട് പുറത്തുവന്നിട്ടുണ്ട്. സിപിഎമ്മിന്റെ ആഭ്യന്തര വിഷയങ്ങളില് നിന്നും, ചര്ച്ചകളില് നിന്നും പത്മകുമാറിനെ അകറ്റിനിര്ത്താനാണ് നീക്കമെന്നാണ് വിവരം. സ്വർണക്കൊള്ളക്കേസിൽ ജാമ്യം ലഭിച്ച പത്മകുമാർ ആറന്മുളയിലെ വീട്ടിൽ വിശ്രമത്തിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
