പിടി ഉഷ എംപി ദത്തെടുത്ത പള്ളിക്കത്തോട് ഇനി 'സുകന്യ സമൃദ്ധി യോജന' പഞ്ചായത്ത്

കോട്ടയം: സമ്പൂർണ 'സുകന്യ സമൃദ്ധി യോജന' പഞ്ചായത്ത് എന്ന നേട്ടം കൈവരിച്ച് കോട്ടയം ജില്ലയിലെ പള്ളിക്കത്തോട്. രാജ്യത്തെ പെൺകുട്ടികളുടെ ഉന്നമനത്തിനായി കേന്ദ്ര സർക്കാർ രൂപകൽപ്പന ചെയ്ത പ്രധാനപ്പെട്ട പദ്ധതിയാണിത്. പിടി ഉഷ എംപി സൻസദ് ആദർശ ഗ്രാമ യോജനയിൽ ദത്തെടുത്ത പഞ്ചായത്താണ് പള്ളിക്കത്തോട്.

ഇന്ന് നടന്ന ചടങ്ങിൽ ആദർശ ​ഗ്രാമ യോജനയുടെ നോഡൽ ഓഫീസർ ബെവിൻ ജോൺ വർ​ഗീസാണ് പ്രഖ്യാപനം നടത്തിയത്. യോജനയിൽ അം​ഗങ്ങളായ പെൺകുട്ടികൾക്ക് നിക്ഷേപ പാസ്ബുക്കുകൾ പിടി ഉഷ എംപി വിതരണം ചെയ്തു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

വില്ലേജ് ഡവലപ്മെന്റ് പരിപാടിയിൽ ഉൾപ്പെടുത്തി പഞ്ചായത്ത് പരിധിയിലെ 10 വയസിൽ താഴെയുള്ള പെൺകുട്ടികളെ ചേർത്താണ് പദ്ധതി നടപ്പിലാക്കിയത്. 447 കുട്ടികളാണ് പദ്ധതിയിൽ ചേർന്നത്. പഞ്ചായത്ത് സമ്പൂർണ സുകന്യ ആയത് ജില്ല ഭരണാധികാരിക്ക് രേഖാമൂലം അറിയിപ്പ് നൽകി.