ന്യൂഡല്ഹി: പട്ടയഭൂമി മറ്റ് ആവശ്യങ്ങള്ക്ക് ഉപയോഗിക്കരുതെന്ന കേരള ഹൈക്കോടതി ഉത്തരവിനെതിരെ ക്വാറി ഉടമകള് നല്കിയ ഹര്ജി സുപ്രീംകോടതി ഇന്ന് പരിഗണിക്കും. നേരത്തെ കേസില് വാദം കേട്ട സുപ്രീംകോടതി നിലവില് ഹൈക്കോടതി വിധി സ്റ്റേ ചെയ്യേണ്ടതില്ലെന്ന് വ്യക്തമാക്കിയിരുന്നു.
പട്ടയ ഭൂമി മറ്റ് ആവശ്യങ്ങള്ക്ക് ഉപയോഗിക്കാന് നിലവിലെ ചട്ടങ്ങള് പ്രകാരം കഴിയില്ലെന്ന് സംസ്ഥാന സര്ക്കാര് സുപ്രീം കോടതിയില് ഫയല് ചെയ്ത സത്യവാങ്മൂലത്തില് വ്യക്തമാക്കി. നിലവിലെ ചട്ട പ്രകാരം കാര്ഷിക, ഗാര്ഹിക ആവശ്യങ്ങള്ക്ക് മാത്രമേ സര്ക്കാര് ഭൂമിയുടെ പട്ടയം നല്കാന് കഴിയൂ.
പട്ടയ ഭൂമിയില് വീട് വയ്ക്കുന്നതിനും, കാര്ഷിക ആവശ്യങ്ങള്ക്കും മാത്രമാണ് അവകാശം. ഖനനം ഉള്പ്പടെ ഭൂമിയ്ക്ക് താഴെയുള്ള പ്രവര്ത്തനങ്ങള്ക്ക് പട്ടയ ഭൂമി കൈമാറാന് 1964 ലെ ചട്ടങ്ങളില് വ്യവസ്ഥ ഇല്ലെന്നും സര്ക്കാര് വ്യക്തമാക്കി. നിലവിലെ വസ്തുതകള് കണക്കിലെടുത്ത് 1964 ലെ ഭൂ പതിവ് ചട്ടങ്ങളില് ഭേദഗതി കൊണ്ട് വരുമെന്നും സര്ക്കാര് അറിയിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
