കൊച്ചി: ജാതി അധിക്ഷേപം നടത്തിയ ട്വന്റി ട്വന്റി ചീഫ് കോര്‍ഡിനേറ്റര്‍ സാബു എം ജേക്കബിനെതിരെ കേസെടുക്കണമെന്ന് പിവി ശ്രീനിജിന്‍ എംഎല്‍എ. പട്ടികജാതി പീഡന നിരോധന നിയമപ്രകാരം കേസെടുക്കണമെന്ന് ആവശ്യപ്പെട്ട് പൊലീസില്‍ പരാതി നല്‍കി. ട്വന്റി ട്വന്റി മഹാസമ്മേളനത്തിലായിരുന്നു സാബു എം ജേക്കബിന്റെ പ്രസംഗം.
ഞായറാഴ്ച നടന്ന ട്വന്റി ട്വന്റി മഹാസമ്മേളനത്തില്‍ വെച്ച് താനിക്കെതിരെ ജാതീയമായും വംശീയമായും അധിക്ഷേപിച്ച് സാബു എം ജേക്കബ് സംസാരിച്ചതായി മാധ്യമങ്ങളിലൂടെ അറിഞ്ഞു. നിരവധി പേര്‍ തന്നെ ഫോണിലൂടെയും വിവരം അറിയിച്ചു. സാബുവിന്റെ പ്രസംഗം തനിക്ക് വളരെയേറെ മാനക്കേട് ഉണ്ടാക്കിയതായി പിവി ശ്രീനിജിന്‍ പരാതിയില്‍ പറയുന്നു.
മനുഷ്യനും മൃഗവുമല്ലാത്ത ജന്തു തുടങ്ങിയ പരാമര്‍ശങ്ങള്‍ തനിക്കെതിരെ നടത്തിയെന്നും ശ്രീനിജിന്‍ പറയുന്നു. പുത്തന്‍കുരിശ് ഡിവൈഎസ്പിക്കാണ് ശ്രീനിജിന്‍ പരാതി നല്‍കിയത്. സാബു എം ജേക്കബിനെതിരെ ഒരു സിപിഎം പ്രവര്‍ത്തക കൂടി പൊലീസില്‍ പരാതി നല്‍കിയിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
