പ്രതിഷ്ഠാ ദിന ഉത്സവം: ശബരിമല നട ഇന്ന് തുറക്കും

പത്തനംതിട്ട: പ്രതിഷ്ഠാദിന ഉത്സവത്തിനായി ശബരിമല നട ഇന്ന് വൈകീട്ട് അഞ്ചിന് തുറക്കും. നാളെയാണ് പ്രതിഷ്ഠാ ദിന പൂജകള്‍. പ്രതിഷ്ഠാ ദിനമായ 9ന് ഉദയാസ്തമയപൂജ, പടിപൂജ, കളഭാഭിഷേകം, പുഷ്പാഭിഷേകം, അഷ്ടാഭിഷേകം എന്നിവ വിശേഷാല്‍ വഴിപാടായി ഉണ്ടാകും. 

പൂജകള്‍ പൂര്‍ത്തിയാക്കി രാത്രി 10ന് നട അടയ്ക്കും. ദര്‍ശനത്തിനായുള്ള ഓണ്‍ലൈന്‍ ബുക്കിങ് തുടങ്ങി. വെര്‍ച്വല്‍ ക്യു ബുക്ക് ചെയ്യാത്തവര്‍ക്ക് നിലയ്ക്കലില്‍ സ്‌പോട് ബുക്കിങ് സൗകര്യവും ഉണ്ട്. മിഥുന മാസ പൂജയ്ക്കായി 14ന് വൈകിട്ട് 5ന് നട തുറക്കും.

ഈ വാർത്ത കൂടി വായിക്കൂ

പരിസ്ഥിതി ലോല മേഖല ഉത്തരവ്: കേന്ദ്ര ഇടപെടല്‍ ആവശ്യപ്പെടുമെന്ന് വനംമന്ത്രി 
 
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ