ആര്‍എസ്എസ് നേതാവ് മണ്ണന്തല രഞ്ജിത്ത് വധക്കേസില്‍ ശിക്ഷ ഇന്ന്; കോടതി വളപ്പില്‍ വന്‍ സുരക്ഷ

കൊലപാതകം നടന്ന് 18 വര്‍ഷത്തിനു ശേഷമാണ് വിധി.
Renjith Murder Case
രഞ്ജിത്
Edited By:
Updated on: 
1 min read

തിരുവനന്തപുരം: ആര്‍എസ്എസ് നേതാവായിരുന്ന മണ്ണന്തല സ്വദേശി രഞ്ജിത്തിനെ വെട്ടിക്കൊലപ്പെടുത്തിയ കേസില്‍ ശിക്ഷ ഇന്ന്. തിരുവനന്തപുരം അഡീഷനല്‍ സെഷന്‍സ് കോടതിയാണ് വിധി പ്രസ്താവിക്കുക. കേസില്‍ സിപിഎം പ്രവര്‍ത്തകരായ 11 പ്രതികളും കുറ്റക്കാരെന്നു കോടതി കണ്ടെത്തിയിരുന്നു. കൊലപാതകം നടന്ന് 18 വര്‍ഷത്തിനു ശേഷമാണ് വിധി.

വിധിയുടെ പശ്ചാത്തലത്തില്‍ കോടതി വളപ്പില്‍ സുരക്ഷ ശക്തമാക്കി. ഇന്നലെ വിധി പ്രസ്താവത്തിന് ശേഷം കോടതി വളപ്പില്‍ സിപിഎം- ബിജെപി പ്രവര്‍ത്തകര്‍ തടിച്ചു കൂടിയത് സംഘര്‍ഷത്തിന് ഇടയാക്കിയിരുന്നു.

രാഷ്ട്രീയ വിരോധം മൂലം ആര്‍എസ്എസ് പ്രവര്‍ത്തകനായ രഞ്ജിത്തിനെ ഒരു സംഘം സിപിഎം പ്രവര്‍ത്തകര്‍ കൊലപ്പെടുത്തിയെന്നാണ് കേസ്. 2008 ഒക്ടോബര്‍ 17ന് പുലര്‍ച്ചെ 5:15നാണ് കേസിനാസ്പദമായ സംഭവം. മണ്ണന്തലയിലെ തന്റെ ബേക്കറിയില്‍ നില്‍ക്കുമ്പോള്‍ രണ്ട് കാറിലും ബൈക്കിലുമായെത്തിയ പ്രതികള്‍ രഞ്ജിത്തിനെ വെട്ടിക്കൊലപ്പെടുത്തുകയായിരുന്നു.

കൊലപാതകത്തിന് പിന്നില്‍ വലിയ ഗൂഢാലോചന നടന്നതായി ക്രൈംബ്രാഞ്ച് കണ്ടെത്തിയിരുന്നു. ഹൈക്കോടതി ഉത്തരവ് പ്രകാരം അഭിഭാഷകനായ പ്രതാപ് ജി പടിക്കലിനെ സ്‌പെഷ്യല്‍ പ്രോസിക്യൂട്ടറായി നിയമിച്ചു. കേസില്‍ 14 സാക്ഷികളെ വിസ്തരിച്ചു. പ്രോസിക്യൂഷന്‍ സാക്ഷികളായിരുന്ന ചില പൊലീസുകാര്‍ കൂറുമാറിയിരുന്നു.

കേസിലെ ഒന്നാം പ്രതി കൃഷ്ണകുമാറിന്റെ സുഹൃത്തും സിപിഎം നേതാവുമായ വഞ്ചിയൂര്‍ വിഷ്ണുവിനെ കൊലപ്പെടുത്തിയ കേസിലെ മൂന്നാം പ്രതിയായിരുന്നു കൊല്ലപ്പെട്ട മണ്ണന്തല രഞ്ജിത്ത്. 2008 ഏപ്രില്‍ ഒന്നിനാണ് പാസ്‌പോര്‍ട്ട് ഓഫിസിന് മുന്നില്‍ വച്ച് വിഷ്ണു കൊല്ലപ്പെട്ടത്. ഈ കേസിലെ 13 പ്രതികളെയും ഹൈക്കോടതി വെറുതെ വിട്ടിരുന്നു. വിഷ്ണുവിന്റെ കൊലപാതകത്തിന് പ്രതികാരമായാണ് രഞ്ജിത്തിനെ കൊലപ്പെടുത്തിയതെന്നാണു പൊലീസ് കരുതുന്നത്.

Summary

Sentencing today in RSS leader Mannanthala Ranjith murder case; heavy security in court premises

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER