ലൈം​ഗിക ദൃശ്യങ്ങൾ കാണിച്ച് ഭീഷണി; പണം തട്ടിപ്പിന് ഇരയായോ? പരാതി നൽകാൻ വാട്സ്ആപ്പ് നമ്പറുമായി പൊലീസ്

തിരുവനന്തപുരം: സാമ്പത്തിക കുറ്റകൃത്യങ്ങൾ അറിയിക്കാനുള്ള വാട്സ് ആപ്പ് നമ്പറുമായി കേരള പൊലീസ്. വ്യക്തികളുടെ ലൈം​ഗിക ദൃശ്യങ്ങൾ ഓൺ ലൈനിൽ ചിത്രീകരിച്ചു മറ്റുള്ളവർക്ക് അയച്ചു കൊടുക്കുമെന്നു ഭീഷണിപ്പെടുത്തിയും അല്ലാതെയും പണം തട്ടുന്നതു ഉൾപ്പെടെയുള്ള സംഭവങ്ങളിലെ പരാതികൾ ഈ നമ്പറിൽ അറിയിക്കാം. 9497980900 എന്ന നമ്പറാണ് പൊലീസ് പങ്കിട്ടത്. 

ബ്ലാക്ക് മെയിലിങ്, മോർഫിങ്, ഓൺലൈൻ സാമ്പത്തിക തട്ടിപ്പുകളും ഈ നമ്പറിൽ അറിയിക്കാം. ടെക്സ്റ്റ്, ഫോട്ടോ, വീഡിയോ, ശബ്ദ സന്ദേശം എന്നീ മാർ​ഗങ്ങളിലൂടെ പരാതി നൽകാം. 

അതേസമയം ഈ നമ്പറിൽ നേരിട്ട് വിളിക്കാൻ സാധിക്കില്ല. ഈ സംവിധാനം പ്രവർത്തിക്കും. ആവശ്യമെങ്കിൽ പൊലീസ് പരാതിക്കാരെ തിരികെ വിളിച്ച് വിവരങ്ങൾ ശേഖരിക്കും. പൊലീസ് ആസ്ഥാനത്താണ് സംവിധാനം പ്രവർത്തിക്കുന്നത്.

ഈ വാര്‍ത്ത കൂടി വായിക്കൂ 

മത്സരയോട്ടം; വടകരയിൽ സ്വകാര്യ ബസ് ചെളിയിൽ താഴ്‌‍ന്നു, യാത്രക്കാർ സുരക്ഷിതർ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ