'പാമ്പുകൾക്ക് മാളമുണ്ട്, പറവകൾക്കാകാശമുണ്ട്...!'- ലീവ് കിട്ടാത്തതിന് പരിഹാസം; എസ്ഐയെ സ്ഥലം മാറ്റി

കോഴിക്കോട്: ലീവ് നൽകാത്തതിൽ പ്രതിഷേധിച്ച് പരിഹാസ രൂപത്തിൽ നാടക ​ഗാനം ഔദ്യോ​ഗിക വാട്സ്ആപ്പ് ​ഗ്രൂപ്പിൽ ഇട്ട എസ്ഐയ്ക്ക് സ്ഥലം മാറ്റം. കോഴിക്കോട് എലത്തൂർ പൊലീസ് സ്റ്റേഷനിലെ സബ് ഇൻസ്പെക്ടറെയാണ് ഫറോക്ക് സ്റ്റേഷനിലേക്ക് സ്ഥലം മാറ്റിയത്.

കെപിഎസിയുടെ നാടക ​ഗാനമായ പാമ്പുകൾക്ക് മാളമുണ്ട്, പറവകൾക്കാകാശമുണ്ട്... എന്ന പാട്ടാണ് ലീ​വ് നൽകാത്തതിനെ തുടർന്നു ഉദ്യോ​ഗസ്ഥൻ ഔദ്യോ​ഗിക വാട്സ്ആപ്പ് ​ഗ്രൂപ്പിൽ പോസ്റ്റ് ചെയ്തത്. ഫെബ്രുവരി 25നാണ് നാടക ​ഗാനം പോസ്റ്റ് ചെയ്തത്. പിന്നാലെ സ്റ്റേഷനിലെ സംഭവങ്ങളുമായി ഇതിന് ബന്ധമില്ലെന്ന വോയ്സ് മെസേജും ഉദ്യോ​ഗസ്ഥൻ ​ഗ്രൂപ്പിലിട്ടു.

കാട്ടുപന്നി കുറുകെ ചാടി സ്കൂട്ടർ കുത്തി മറിച്ചിട്ടു; യാത്രക്കാരി രക്ഷപ്പെട്ടത് തലനാരിഴയ്ക്ക് (വിഡിയോ)

എലത്തൂർ ഓഫീഷ്യൽസ് എന്നായിരുന്നു വാട്സ്ആപ്പ് ​ഗ്രൂപ്പിന്റെ പേര്. എന്നാൽ എസ്ഐ ഈ ​ഗ്രൂപ്പിന്റെ പേര് എലത്തൂർ ടീംസ് എന്നാക്കി. ഇതിനെതിരെയും ഉദ്യോ​ഗസ്ഥനെതിരെ നടപടിയെടുത്തിട്ടുണ്ട്.

​വാട്സ്ആപ്പ് ​ഗ്രൂപ്പിലെ പൊലീസ് ഉദ്യോ​ഗസ്ഥന്റെ പെരുമാറ്റത്തെക്കുറിച്ച് ടൗൺ എസിപി അന്വേഷിച്ചു റിപ്പോർട്ട് സമർപ്പിച്ചതിനെ തുടർന്നാണ് എസ്ഐയെ സ്ഥലം മാറ്റിയത്. എസ്ഐയ്ക്ക് മതിയായ അവധി നൽകിയില്ലെന്ന ആരോപണം മേലുദ്യോ​ഗസ്ഥർ തള്ളി.