കണ്ണൂര്‍: പട്ടുവം കാവുങ്കലില്‍ സ്‌കൂട്ടറില്‍ കയറിക്കൂടിയ പാമ്പിനെ പിടികൂടി.പട്ടുവം കാവുങ്കല്‍ പനക്കട വീട്ടില്‍ കെ കെ സൂരജിന്റെ ടി വിഎസ് ജുപീറ്റര്‍ സ്‌കൂട്ടറിലാണ് പാമ്പ് കയറിയത്.
വ്യാഴാഴ്ച്ച രാവിലെ വീട്ടില്‍ നിന്നും ജോലിക്ക് പോകാന്‍ വേണ്ടി എടുത്തപ്പോഴാണ് സ്‌കൂട്ടര്‍ ഹാന്‍ഡില്‍ കൂടി അകത്തേക്ക് കയറിക്കൂടിയ പൂച്ചക്കണ്ണന്‍ പാമ്പിനെ കണ്ടത്. പാമ്പിനെ കണ്ടു പേടിച്ചതിനെ തുടര്‍ന്ന് സൂരജ് നാട്ടുകാരെ വിളിച്ചു കൂട്ടി.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
നാട്ടുകാര്‍ അറിയിച്ചതിനെ തുടര്‍ന്ന് മലബാര്‍ അവയര്‍നെസ് ആന്‍ഡ് റസ്‌ക്യു സെന്റര്‍ ഫോര്‍ വൈല്‍ഡ് (മാര്‍ക്കിന്റെയും) റെസ്‌ക്യൂറായ അനില്‍ തൃച്ചംബരം സ്ഥലത്തെത്തി. അതിനിടെ നാട്ടുകാരില്‍ ഒരാള്‍ സ്‌കൂട്ടര്‍ പട്ടുവം കാവുങ്കലിലുള്ള വര്‍ക്ക് ഷോപ്പില്‍ എത്തിച്ചു . ഏറെ പരിശ്രമത്തിനൊടുവില്‍ മെക്കാനിക്കിന്റെ സഹായത്തോടുകൂടി സ്‌കൂട്ടറിന്റെ ഹെഡ്‌ലൈറ്റില്‍ കയറിക്കൂടിയ പാമ്പിനെ അനില്‍ തൃച്ചംബരം പുറത്തെടുക്കുകയായിരുന്നു. ഇതിനു ശേഷം പാമ്പിനെ സുരക്ഷിതമായ സ്ഥലത്ത് തുറന്നുവിട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
