ഒരു രേഖയും ഇല്ല, മഹിളാ മന്ദിരത്തിൽ നിന്ന് രക്ഷപ്പെട്ട 'നിക്ഷാല ഭൂലോക സിംഗം' പിടിയിൽ

ആലപ്പുഴ: ആലപ്പുഴയിലെ മഹിളാ മന്ദിരത്തിൽ നിന്ന് രക്ഷപ്പെട്ട ശ്രീലങ്കൻ സ്വദേശിനി നിക്ഷാല ഭൂലോക സിംഗത്തെ ചെന്നൈയിൽ ക്യൂ ബ്രാഞ്ച് പിടികൂടി. ഇന്നലെ രാത്രിയാണ് ഇവർ മഹിളാ മന്ദിരത്തിൽ നിന്ന് കടന്നുകളഞ്ഞത്. തുടർന്ന് നടത്തിയ അന്വേഷണത്തിനൊടുവിലാണ് ചെന്നൈയിൽ വെച്ച് ഇവരെ കണ്ടെത്തിയത്.

മതിയായ യാത്രാ രേഖകളും തിരിച്ചറിയൽ രേഖകളും ഇല്ലാത്തതിനെ തുടർന്നാണ് ക്യൂ ബ്രാഞ്ച് ഇവരെ കസ്റ്റഡിയിലെടുത്തതെന്നാണ് വിവരം. വിദേശ പൗരത്വവുമായി ബന്ധപ്പെട്ട രേഖകളുടെ പരിശോധനയും തുടർനടപടികളും അന്വേഷണ സംഘം നടത്തിവരികയാണ്.

മഹിളാ മന്ദിരത്തിൽ നിന്ന് ഇവർ എങ്ങനെയാണ് പുറത്തു കടന്നതെന്നും ചെന്നൈയിലേക്ക് എത്തിയത് എങ്ങനെയാണെന്നും വ്യക്തമാകേണ്ടതുണ്ട്. സംഭവത്തിൽ കൂടുതൽ അന്വേഷണം നടക്കുകയാണ്. ക്യൂ ബ്രാഞ്ചിന്റെ തുടർ നടപടികൾക്കും രേഖകളുടെ പരിശോധനയ്ക്കും ശേഷമേ കൂടുതൽ വിവരങ്ങൾ വ്യക്തമാകൂ.