കൊച്ചി: കാലടി സര്വകലാശാലയിലെ അധ്യാപക നിയമനങ്ങള് അന്വേഷിക്കാന് സിന്ഡിക്കേറ്റ് അന്വേഷിക്കും. ഇതിനായി പ്രത്യേക ഉപസമിതിയെ സിന്ഡിക്കേറ്റ് യോഗം നിയോഗിച്ചു. കഴിഞ്ഞ ഇടതുപക്ഷ സര്ക്കാരിന്റെ കാലത്ത് 19 അധ്യാപകരെയാണ് നിയമിച്ചത്. ഇത് അധിക നിയമനമാണെന്ന ഓഡിറ്റ് റിപ്പോര്ട്ടിന്റെ പശ്ചാത്തലത്തിലാണ് അന്വേഷണം നടത്തുന്നത്.
എല്ഡിഎഫ് സര്ക്കാരിന്റെ കാലത്തെ നിയമനങ്ങളില് ജുഡീഷ്യല് അന്വേഷണം വേണമെന്നും സിന്ഡിക്കേറ്റ് യോഗത്തില് ആവശ്യം ഉയര്ന്നു. ഇക്കാര്യം സര്ക്കാരിനോട് ആവശ്യപ്പെടും. ഓണ്ലൈന് ആയി ചേര്ന്ന യോഗത്തില് രജിസ്ട്രാര്, ഫിനാന്സ് കണ്ട്രോളര് നിയമനം എന്നിവയായിരുന്നു യോഗത്തിന്റെ പ്രധാന അജണ്ട. ഇതോടൊപ്പമാണ് ഓഡിറ്റ് റിപ്പോര്ട്ടും ചര്ച്ചയായത്.
കാലടി സര്വകലാശാലയ്ക്ക് മുന്നില് വിദ്യാര്ത്ഥികള് നിരാഹാര സമരം തുടരുകയാണ്. ഇതേപ്പറ്റി സിന്ഡിക്കേറ്റ് യോഗത്തില് എല്ഡിഎഫ് പ്രതിനിധികള് ഉന്നയിച്ചു. എന്നാല് അജണ്ടയില് ഇല്ലാത്ത കാര്യമാണെന്നും, അതു ചര്ച്ച ചെയ്യേണ്ടതില്ലെന്നും വ്യക്തമാക്കി വൈസ് ചാന്സലര് എതിര്ത്തു. യുഡിഎഫ് പ്രതിനിധികളും ഈ ആവശ്യത്തെ എതിര്ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates