കുളത്തിൽവീണ ഓലമടൽ എടുക്കാൻ ഇറങ്ങി, 20കാരന് മുങ്ങിമരിച്ചു

തിരുവനന്തപുരം; കുളത്തിൽ നിന്ന് ഒ‍ാലമടൽ എടുക്കാൻ ശ്രമിക്കവേ യുവാവ് മുങ്ങിമരിച്ചു. പാറശാല കീഴേത്തോട്ടം ദീപക്ക് ഭവനിൽ വേണുഗോപാലൻ നായർ–ശ്രീജ ദമ്പതികളുടെ മകൻ വി.എസ് ദീപക്ക് (20) ആണ് മരിച്ചത്. ഇന്നലെ വൈകിട്ട് ആറു മണിയോടെ കീഴേത്തോട്ടം ഉടപ്പുകുളത്തിൽ ആണ് അപകടമുണ്ടായത്. 

കുളത്തിൽ വീണ ഓലമടൽ എടുത്തശേഷം തിരിച്ച് നീന്താൻ ശ്രമിക്കവേ മുങ്ങിത്താഴുകയായിരുന്നു. കരയിൽ ഉണ്ടായിരുന്നവർ ചാടി രക്ഷപ്പെടുത്താൻ ശ്രമിച്ചെങ്കിലും ചെളിയിൽ പുതഞ്ഞ നിലയിൽ ആയിരുന്ന ദീപക്കിനെ കരയ്ക്ക് കയറ്റിയത്. ഉടനെ ആശുപത്രിയിൽ എത്തിച്ചപ്പോഴേക്കും മരിച്ചു. ഇടിച്ചക്കപ്ലാമൂട് ശിവജി ഐടിസിയിലെ വിദ്യാർഥിയാണ്. സഹോദരൻ രോഹിത്ത്.