റവന്യൂമന്ത്രിയുടെ അഡീഷണല്‍ പ്രൈവറ്റ് സെക്രട്ടറി കുഴഞ്ഞു വീണ് മരിച്ചു

കൊല്ലം : റവന്യൂമന്ത്രി ഇ ചന്ദ്രശേഖരന്റെ അഡീഷണല്‍ പ്രൈവറ്റ് സെക്രട്ടറി കുഴഞ്ഞു വീണ് മരിച്ചു. തട്ടാമല നിഹാരികയില്‍ ദിലീപ് തമ്പി (57) ആണ് മരിച്ചത്. 

രാവിലെ കൊല്ലം ആശ്രാമം മൈതാനിയില്‍ നടക്കുന്നതിനിടെ കുഴഞ്ഞു വീഴുകയായിരുന്നു. ഉടന്‍ തന്നെ ജില്ലാ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 

ജോയിന്റ് കൗണ്‍സില്‍ ജില്ലാ പ്രസിഡന്റായിരുന്നു ദിലീപ് തമ്പി. വീണയാണ് ഭാര്യ. രണ്ടു മക്കളുണ്ട്.