ഇനി രണ്ടും നാലും ഒഴികെയുള്ള ശനിയാഴ്ചകളിലും ബാങ്ക് തുറന്നുപ്രവര്‍ത്തിക്കും; അവധി പിന്‍വലിച്ചു

കൊച്ചി: കേരളത്തില്‍ രണ്ടാം ശനിയാഴ്ചയും നാലാം ശനിയാഴ്ചയും ഒഴികെയുള്ള ശനിയാഴ്ചകളില്‍ ഇനി ബാങ്കുകള്‍ വീണ്ടും തുറന്നുപ്രവര്‍ത്തിക്കും. കോവിഡ് രോഗികളുടെ എണ്ണത്തില്‍ കുറവുണ്ടായ പശ്ചാത്തലത്തില്‍ എല്ലാ ശനിയാഴ്ചകളിലും ഏര്‍പ്പെടുത്തിയ ബാങ്ക് അവധി പിന്‍വലിച്ചതായി സംസ്ഥാനതല ബാങ്കേഴ്‌സ് സമിതി അറിയിച്ചു.

നേരത്തെ കോവിഡ് വ്യാപനത്തിന്റെ പശ്ചാത്തലത്തിലാണ് എല്ലാ ശനിയാഴ്ചകളിലും ബാങ്കുകള്‍ക്ക് അവധി പ്രഖ്യാപിച്ചിരുന്നത്. നേരത്തെയുള്ളതുപോലെ രണ്ടാം ശനിയാഴ്ച, നാലാം ശനി എന്നി ദിവസങ്ങളില്‍ മാത്രമായിരിക്കും ഇനി ബാങ്ക് അവധി.