റോഡിലെ കുഴിയിൽ വീണ് സ്പീക്കറുടെ കാറിന്റെ ടയർ പഞ്ചറായി, പിന്നാലെ വാഴനട്ട് നാട്ടുകാർ

ആലപ്പുഴ; ദേശിയ പാതയിലെ കുഴിയിൽ വീണ് സ്പീക്കർ എംബി രാജേഷിന്റെ ഔദ്യോ​ഗിക വാഹനം പഞ്ചറായി. ഞായറാഴ്ച രാത്രി 8.30ന് ദേശീയപാതയിൽ 66-ൽ കായംകുളം കെപിഎസിക്കു സമീപമാണ് സംഭവമുണ്ടായത്. തിരുവനന്തപുരത്തേക്കു പോകുകയായിരുന്നു സ്പീക്കർ. 

അപകടമറിഞ്ഞ് നാട്ടുകാർ ഓടിക്കൂടിയതോടെ സ്പീക്കറെ പൊലീസിന്റെ വാഹനത്തിൽ കൃഷ്ണപുരം കെടിഡിസിയിൽ എത്തിച്ചു. പഞ്ചറൊട്ടിച്ച് ഒൻപതുമണിയോടെ സ്പീക്കർ യാത്ര തുടർന്നു. സ്പീക്കറുടെ വാഹനം പഞ്ചറായതിനു പിന്നാലെ നാട്ടുകാർ റോഡിലെ കുഴിയിൽ വാഴനട്ടു. ദേശീയപാതയിൽ ഹരിപ്പാട് മുതൽ കൃഷ്‌ണപുരംവരെ റോഡിൽ നിറയെ കുഴികളാണ്. വാഹനങ്ങൾ കുഴിയിൽവീണ് നിരവധി അപകടങ്ങളുമുണ്ടാകുന്നുണ്ട്.