തിരുവനന്തപുരം: പ്രണയം നിരസിച്ചതിന്റെ പകയിൽ സുഹൃത്ത് കുത്തിപ്പരിക്കേൽപ്പിച്ച യുവതി മരിച്ചു. നെടുമങ്ങാട് സ്വദേശി സൂര്യഗായത്രി ആണ് മരിച്ചത്. 20 വയസ്സായിരുന്നു. പുലർച്ചെ നാലരയോടെയായിരുന്നു മരണം.
ഗുരുതരമായി പരിക്കേറ്റ സൂര്യഗായത്രി തിരുവനന്തപുരം മെഡിക്കൽ കോളജിൽ ചികിൽസയിലായിരുന്നു. വീട്ടിൽ അതിക്രമിച്ചു കയറിയ സുഹൃത്ത് ആര്യനാട് സ്വദേശി അരുൺ ആണ് പെൺകുട്ടിയെ ആക്രമിച്ചത്.
യുവതിയുടെ ശരീരത്തിൽ 15 കുത്തുകൾ ഏറ്റിരുന്നു. തടയാൻ ശ്രമിച്ച അമ്മ വൽസലയ്ക്കും കുത്തേറ്റിരുന്നു. പ്രണയ നൈരാശ്യമാണ് ആക്രമണത്തിൽ പിന്നിലെന്ന് പൊലീസ് പറയുന്നു.
ആക്രമണത്തിന് ശേഷം സമീപത്തെ വീടിന് മുകളിൽ കയറി ഒളിച്ച അരുണിനെ നാട്ടുകാർ പിടികൂടി പൊലീസിൽ ഏൽപ്പിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
