തിരുവല്ല സ്പായിലെ ബലാത്സംഗം: ഒരാൾ കൂടി അറസ്റ്റിൽ, ഷിംജിത മുസ്തഫ പുറത്തേക്ക് ?; ഇന്നത്തെ അഞ്ചു പ്രധാന വാർത്തകൾ

സ്പാ ജീവനക്കാരിയെ കൂട്ടബലാത്സംഗം ചെയ്ത കേസിൽ ഒരാൾ കൂടി അറസ്റ്റിൽ. നിരണം സ്വദേശി വരുൺ ആണ് പൊലീസിന്റെ പിടിയിലായത്. ഇന്നലെ അർധരാത്രിയോടെ ആലുവയിൽ വെച്ചാണ് പ്രതിയെ പൊലീസ് അറസ്റ്റ് ചെയ്‍തത്. ഇതോടെ കേസിൽ അറസ്റ്റിലായവരുടെ എണ്ണം മൂന്നായി. ഇതടക്കം അഞ്ചു വാർത്തകൾ ചുവടെ:

സ്പാ ജീവനക്കാരിയെ കൂട്ടബലാത്സംഗം ചെയ്ത കേസിൽ ഒരാൾ കൂടി അറസ്റ്റിൽ. നിരണം സ്വദേശി വരുൺ ആണ് പൊലീസിന്റെ പിടിയിലായത്. ഇന്നലെ അർധരാത്രിയോടെ ആലുവയിൽ വെച്ചാണ് പ്രതിയെ പൊലീസ് അറസ്റ്റ് ചെയ്‍തത്. ഇതോടെ കേസിൽ അറസ്റ്റിലായവരുടെ എണ്ണം മൂന്നായി.

സോഷ്യൽ മീഡിയയിലൂടെ വ്യക്തിഹത്യയ്ക്കിരയായി കോഴിക്കോട് ഗോവിന്ദപുരം സ്വദേശി യു ദീപക്ക് ജീവനൊടുക്കിയ കേസിൽ പ്രതി ഷിംജിത മുസ്തഫയുടെ ജാമ്യാപേക്ഷ കോടതി ഇന്ന് പരിഗണിക്കും. കോഴിക്കോട് ജില്ലാ സെഷൻസ് കോടതിയാണ് ജാമ്യാപേക്ഷ പരിഗണിക്കുക.

കൊച്ചി ബിനാലെ കലാകാരിയായ വിദേശ വനിതയ്ക്ക് നേരെ ലൈംഗികാതിക്രമം. തയ് വാന്‍ സ്വദേശിയായ യുവതിയുടെ പരാതിയില്‍ മുംബൈ സ്വദേശിക്കെതിരെ പൊലീസ് കേസെടുത്ത് അന്വേഷണം ആരംഭിച്ചു. മൂന്ന് ദിവസം മുന്‍പായിരുന്നു സംഭവം.

 ടി20 ലോകകപ്പില്‍ അയർലൻഡിനെ പരാജയപ്പെടുത്തി ശ്രീലങ്ക. 20 റൺസിനാണ് ശ്രീലങ്കയുടെ വിജയം. ടോസ് നേടിയ അയർലൻഡ് ശ്രീലങ്കയെ ബാറ്റിങ്ങിന് അയക്കുക ആയിരുന്നു. 20 ഓവറിൽ 3 വിക്കറ്റ് നഷ്ടത്തിൽ ശ്രീലങ്ക 163 റൺസ് നേടിയപ്പോൾ അയർലൻഡിന്റെ ഇന്നിങ്സ് 143 റൺസിന് അവസാനിക്കുക ആയിരുന്നു.

അര്‍ബുദത്തിനോട് പൊരുതുന്ന ആയിരക്കണക്കിന് രോഗികള്‍ക്ക് ആശ്വാസ തണലാകാന്‍ കൊച്ചിന്‍ കാന്‍സര്‍ ആന്റ് റിസര്‍ച്ച് സെന്റര്‍ ഇന്ന് നാടിന് സമര്‍പ്പിക്കും. ലോകോത്തര അര്‍ബുദ ചികിത്സാസൗകര്യങ്ങളുമായി 449 കോടി രൂപ ചെലവഴിച്ച് കളമശേരിയില്‍ നിര്‍മിച്ച ഒന്‍പത് നില കെട്ടിടം തിങ്കളാഴ്ച വൈകീട്ട് 3 ന് നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വഹിക്കും. ആരോഗ്യമന്ത്രി വീണാ ജോര്‍ജ് അധ്യക്ഷയാകും. മന്ത്രി പി രാജീവ് പ്രഭാഷണം നടത്തും.