തിരുവനന്തപുരം: മിഠായി വിതരണവുമായി ബന്ധപ്പെട്ട് സിപിഎം ആരോപണത്തില് വിശദീകരണവുമായി ബിജെപി നേതാവും എംഎല്എയുമായ വി മുരളീധരന്. കുട്ടികള്ക്ക് മിഠായിയുമായി എത്തിയപ്പോള് മന്ത്രിയെത്തി. വാങ്ങിക്കൊണ്ടു ചെന്ന മിഠായി ഓരോ കുട്ടിക്കായി കൊടുക്കാന് നിന്നാല് മന്ത്രിയടക്കം മറ്റുള്ളവര് പിന്നെയും കാത്തു നില്ക്കേണ്ടി വരും. വേഗത്തില് വിതരണം പൂര്ത്തിയാക്കാന് മേശ തോറും ഒന്നിച്ച് നല്കി. ഈ ചെറിയ കാര്യത്തിനാണ് സിപിഎം ജാതി വിദ്വേഷത്തിന്റെ നിറം കൊടുക്കാന് ശ്രമിച്ചതെന്ന് വി മുരളീധരന് ഫെയ്സ്ബുക്കില് കുറിച്ചു.
വസ്തുത തിരക്കാതെ ബിജെപി വിരോധം തലയ്ക്കു പിടിച്ച മറ്റ് മാധ്യമങ്ങള് ഇത് ഏറ്റെടുത്തതായും തെരഞ്ഞെടുപ്പില് ജനം ചൂലെടുത്ത് അടിച്ചിറക്കിയിട്ടും സിപിഎമ്മിന്റെയും അവരുടെ അടിമകളുടെയും കണ്ണു തുറന്നിട്ടില്ലെന്നും മുരളീധരന് ഫെയ്സ്ബുക്കില് കുറിച്ചു.
വി മുരളീധരന്റെ കുറിപ്പ്
കുട്ടികള്ക്ക് മിഠായി തട്ടിക്കൊടുത്തു,
എംഎല്എയ്ക്ക് അയിത്തം !
ദേശാഭിമാനിയുടെ ക്യാപ്സൂള് കൊള്ളാം !
കട്ടേല മോഡല് സ്കൂളിലെ കുരുന്നുകള്ക്ക് മിഠായിയും വാങ്ങിയാണ് ഞാന് പ്രവേശനോല്സവത്തിന് പോയത് എന്നത് വസ്തുതയാണ്.
മറ്റാരും വിതരണം ചെയ്യാന് ഏല്പ്പിച്ചതല്ല.
അവിടെ ചെന്നപ്പോള് മന്ത്രി എത്തി,
പരിപാടി തുടങ്ങാറായി.
വാങ്ങിക്കൊണ്ടു ചെന്ന മിഠായി ഓരോ കുട്ടിക്കായി കൊടുക്കാന് നിന്നാല് മന്ത്രിയടക്കം മറ്റുള്ളവര് പിന്നെയും കാത്തു നില്ക്കേണ്ടി വരും.
കുട്ടികള്ക്ക് വാങ്ങിയ മിഠായി അവര്ക്ക് കൊടുക്കണമല്ലോ.
വേഗത്തില് വിതരണം പൂര്ത്തിയാക്കാന് മേശ തോറും ഒന്നിച്ച് നല്കി..!
ഈ ചെറിയ കാര്യത്തിനാണ് സിപിഎം ജാതി വിദ്വേഷത്തിന്റെ നിറം കൊടുക്കാന് ശ്രമിച്ചത്.
എത്ര കൊടുംവിഷമാണ് കമ്യൂണിസ്റ്റ് പാര്ട്ടി കുഞ്ഞുങ്ങളില്പ്പോലും കുത്തി നിറയ്ക്കാന് ശ്രമിച്ചത് എന്ന് നോക്കൂ.
ദേശാഭിമാനി ചീറ്റിയ വിഷം, വസ്തുത തിരക്കാതെ ഏറ്റെടുത്തു, ബിജെപി വിരോധം തലയ്ക്കു പിടിച്ച മറ്റ് മാധ്യമങ്ങള് !
തിരഞ്ഞെടുപ്പില് ജനം ചൂലെടുത്ത് അടിച്ചിറക്കിയിട്ടും സിപിഎമ്മിന്റെയും അവരുടെ അടിമകളുടെയും കണ്ണു തുറന്നിട്ടില്ല എന്ന് ചുരുക്കം !
NB : നിയമസഭ തല്ലിത്തകര്ത്ത ശിവന്കുട്ടി അപ്പൂപ്പനില് നിന്ന് 'സംസ്ക്കാരം' പഠിക്കേണ്ട ഗതികേട് തല്ക്കാലം ഇല്ല
