ഭര്ത്താവ് ഉപേക്ഷിച്ച അശ്വതിയെ ലഹരി വഴിയിലെത്തിച്ച് സുഹൃത്ത്; ആദ്യം ഉപയോഗം, പിന്നാലെ മകനെയും കൂട്ടി കച്ചവടം
പാലക്കാട്: വാളയാറില് എംഡിഎംഎയുമായി അമ്മയും മകനും പിടിയിലായ സംഭവത്തില്, ഭര്ത്താവ് ഉപേക്ഷിച്ചതിന് ശേഷമാണ് അമ്മ അശ്വതി ലഹരി കച്ചവടത്തിലേക്ക് കടന്നത്. സുഹൃത്ത് മൃദുലിന്റെ പ്രേരണയിലാണ് അശ്വതി ലഹരി ഉപയോഗിച്ചു തുടങ്ങുന്നത്. തുടര്ന്ന് ലഹരിക്കടത്തിലേക്കും അശ്വതിയെ മൃദുല് കൂടെ കൂട്ടുകയായിരുന്നുവെന്ന് അശ്വതി എക്സൈസിനോട് പറഞ്ഞു.
ഇരുപതുകാരനായ മകന് ഷോണ് സണ്ണിയേയും അശ്വതി ലഹരി കച്ചവടത്തിന് കൂടെക്കൂട്ടി. ബംഗളൂരുവില്നിന്ന് ലഹരി എറണാകുളത്തെത്തിച്ച് ചില്ലറ വില്പന നടത്തുകയാണ് ചെയ്തിരുന്നത്. അശ്വതിയും കൂട്ടുപ്രതിയായ സുഹൃത്ത് മൃദുലുമാണ് ലഹരിക്കടത്തു സംഘത്തിലെ പ്രധാനികള്.
കഴിഞ്ഞ ദിവസമാണ് തൃശൂര് സ്വദേശി അശ്വതി (39), മകന് ഷോണ് സണ്ണി (20), കോഴിക്കോട് എലത്തൂര് സ്വദേശികളായ പി മൃദുല് (29), അശ്വിന് ലാല് (26) എന്നിവര് വാളയാര് ചെക്ക്പോസ്റ്റില് നിന്ന് പിടിയിലായത്. വില്പനയ്ക്കായി ബംഗളൂരുവില് നിന്ന് കാറില് കൊണ്ടുവന്ന 10.12 ഗ്രാം എംഡിഎംഎയാണ് ഇവരുടെ പക്കല് നിന്നും പിടികൂടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
