തൊഴിലുറപ്പ് ജോലിചെയ്യുന്നവർക്കിടയിലേക്ക് കാട്ടുപന്നി ഓടിക്കയറി; നാലു പേർക്ക് പരിക്ക്

കണ്ണൂർ; തൊഴിലുറപ്പ് ജോലിചെയ്യുന്നവർക്കുനേരെ കാട്ടുപന്നിയുടെ ആക്രമം. നാലു പേർക്ക് പരിക്ക്. കൂത്തുപറമ്പിലാണ് സംഭവമുണ്ടായത്. തൊഴിലുറപ്പ് ജോലി ചെയ്യുന്നവരുടെ ഇടയിലേക്ക് കാട്ടുപന്നി ഓടിക്കയറുകയായിരുന്നു. പന്നിയുടെ കുത്തേറ്റും ഓടിമാറുന്നതിനിടെ വീണുമാണ് നാലു പേർക്ക് പരിക്കേറ്റത്. 

ആമ്പിലാട് നെയ്ച്ചേരിക്കണ്ടി മുത്തപ്പൻ മടപ്പുരക്ക് സമീപം വയലിൽ തോട് വൃത്തിയാക്കുന്നതിനിടെ കാട്ടുപന്നി പെട്ടെന്ന് ഇവർക്കുനേരേ പാഞ്ഞടുക്കുകയായിരുന്നു. 40-ഓളം പേർ ജോലിചെയ്യുന്നതിനിടയിലേക്കാണ് പന്നി പാഞ്ഞടുത്തത്. സി. ലക്ഷ്മി (67), രജനി പൈങ്കുറ്റി (55), എം.കെ. ലളിത (59), സി.വി. പദ്‌മിനി (60) എന്നിവർക്കാണ് പരിക്കേറ്റത്. 

ഇവർ കൂത്തുപറമ്പ് താലൂക്ക് ആശുപത്രിയിലും തലശ്ശേരി ജനറൽ ആസ്പത്രിയിലും ചികിത്സതേടി. പ്രദേശത്ത് കൃഷിസ്ഥലങ്ങളിൽ കാട്ടുപന്നി ശല്യം രൂക്ഷമാണ്. എന്നാൽ ആളുകൾക്കുനേരേ ആക്രമണം ആദ്യമായിട്ടാണെന്ന് നാട്ടുകാർ പറഞ്ഞു.

ഈ വാർത്ത കൂടി വായിക്കൂ 

കേരളത്തിന് അത്താണി മോദി സര്‍ക്കാര്‍ മാത്രം; ബിഷപ്പ് പ്രകടിപ്പിച്ചത് ജനങ്ങളുടെ വികാരം; ഇത് മാറ്റത്തിന്റെ സൂചന; കെ സുരേന്ദ്രന്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ