മരം മുറിക്കുന്നതിനിടെ തടി തലയിൽ വീണ് തൊഴിലാളിക്ക് ദാരുണാന്ത്യം

കണ്ണൂർ: ആലക്കോട് മരം മുറിക്കുന്നതിനിടെ തടി തലയിൽ വീണ് തൊഴിലാളി മരിച്ചു. ഉദയഗിരി പഞ്ചായത്തിലെ ലഡാക്ക് സ്വദേശി പുതുശ്ശേരി മോഹനനാ(54)ണ് മരിച്ചത്. മൂന്നാംതോടില്‍ സ്വകാര്യ വ്യക്തിയുടെ പറമ്പില്‍ മരം മുറിക്കുന്നതിനിടെയാണ് അപകടം. ഞായറാഴ്ച്ചരാവിലെ 11 മണിക്കാണ് ദാരുണ സംഭവം.

സംസ്‌കാരം തിങ്കളാഴ്ച്ച പകൽ 12ന് വീട്ടുവളപ്പില്‍ നടത്തും. ചെമ്മരന്റെയും നാരായണിയുടെയും മകനാണ്. ഭാര്യ: മിനി. മക്കള്‍: സ്‌നേഹ, സേതു. സഹോദരങ്ങള്‍: കൃഷ്ണന്‍, വിജയന്‍. മൃതദേഹം ആലക്കോട് പൊലീസ് ഇൻക്വസ്റ്റ് നടത്തി പരിയാരം ഗവ. മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.