സിപിഎം നേതാവിന്റെ വീട്ടുമുറ്റത്ത് ആദാരാഞ്ജലികൾ അർപ്പിച്ച് റീത്ത്; പൊലീസ് കേസെടുത്തു

കോഴിക്കോട്; സിപിഎം നേതാവിന്റെ വീട്ടുമുറ്റത്ത് അജ്ഞാതര്‍ റീത്ത് വെച്ചതായി പരാതി. നാദാപുരം സിപിഎം  ഏരിയ കമ്മിറ്റി അംഗം പുളിക്കൂലിലെ പുത്തൻപുരയിൽ വീട്ടിൽ സി. എച്ച് മോഹനന്റെ വീട്ട് മുറ്റത്താണ് ആദാരാഞ്ജലികൾ അർപ്പിച്ചു കൊണ്ടുള്ള റീത്ത് കണ്ടെത്തിയത്. 

മോഹനന്‍ രാവിലെ പ്രഭാതസവാരിക്ക് പുറത്തിറങ്ങിയപ്പോഴാണ് മുറ്റത്ത് റീത്ത് കണ്ടത്. വിവരമറിഞ്ഞെത്തിയ നാദാപുരം പൊലീസ് റീത്ത് എടുത്ത് മാറ്റി. തെരഞ്ഞെടുപ്പിനിടെ പ്രദേശത്ത് സംഘർഷം സൃഷ്ടിക്കാനുള്ള ശ്രമത്തിന്‍റെ ഭാഗമാണിതെന്ന പരാതിയിൽ പൊലീസ് കേസെടുത്തു.