ആലപ്പുഴ: അരൂരില്‍ ട്രെയിന്‍ തട്ടി മൂന്ന് പേര്‍ മരിച്ചു. വിവാഹ ചടങ്ങില്‍ പങ്കെടുക്കാന്‍ എത്തിയവരാണ് മരിച്ചത്. ഇതില്‍ രണ്ട് പേര്‍ അരൂര്‍ സ്വദേശികളും മറ്റൊരാള്‍ എറണാകുളം സ്വദേശിയുമാണ്.
ജിതിന്‍ വര്‍ഗീസ്, ലിബിന്‍ ജോസ്, നീലന്‍ എന്നിവരാണ് അപകടത്തില്‍പ്പെട്ട് മരിച്ചത്. ശനിയാഴ്ച രാത്രി ഒന്നരയോടെയായിരുന്നു അപകടമെന്ന് റെയില്‍വേ അധികൃതര്‍ പറഞ്ഞു.
റെയില്‍വേ ട്രാക്കിന് സമീപമുള്ള വീട്ടിലായിരുന്നു ചടങ്ങ്. വിവാഹ സത്കാരത്തില്‍ പങ്കെടുത്ത് മടങ്ങവെയായിരുന്നു അപകടം. ഇവര്‍ ട്രാക്കില്‍ സംസാരിച്ചുകൊണ്ടിരിക്കവെയാണ് അപകടം ഉണ്ടായതെന്നാണ് സൂചന.
ഇന്‍ക്വസ്റ്റ് നടപടികള്‍ പൊലീസ് പൂര്‍ത്തിയാക്കി. പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
