കോട്ടയം: പാലാ ഉപതെരഞ്ഞെടുപ്പുമായി ബന്ധപ്പെട്ട കണ്‍വെന്‍ഷനിടെ പിജെ ജോസഫിന് നേരെയുണ്ടായ പ്രതിഷേധങ്ങളില്‍ ഖേദമറിയിച്ച് യുഡിഎഫ്. കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ അദ്ദേഹത്തെ ഫോണില്‍ വിളിച്ചാണ് അനിഷ്ട സംഭവങ്ങളില്‍ ഖേദമറിയിച്ചത്.
അതേസമയം സംയുക്ത പ്രചാരണത്തിനില്ലെന്ന ജോസഫിന്റെ തീരുമാനത്തിലുള്ള അതൃപ്തി മുല്ലപ്പള്ളി അദ്ദേഹത്തെ അറിയിച്ചു. തീരുമാനം പിന്‍വലിക്കണമെന്നും പ്രചാരണത്തിന് ഒപ്പം ഇറങ്ങണമെന്നും ജോസഫിനോട് മുല്ലപ്പളളി ആവശ്യപ്പെട്ടു. പാലായിലെത്തിയപ്പോഴാണ് മുല്ലപ്പള്ളി ജോസഫുമായി ഫോണില്‍ സംസാരിച്ചത്.
കണ്‍വെന്‍ഷനില്‍ ജോസഫിനെ അപമാനിച്ചതില്‍ പ്രതിഷേധിച്ചാണ് യുഡിഎഫ് പ്രചാരണത്തില്‍ നിന്നു വിട്ടു നില്‍ക്കാന്‍ ജോസഫ് വിഭാഗം കടുത്ത തീരുമാനം എടുത്തത്. ജോസ് കെ മാണി അനുകൂലികള്‍ ആസൂത്രിതമായി അപമാനിച്ചെന്നാണ് ജോസഫ് അനുകൂലികളുടെ ആരോപണം. മുന്നണി സ്ഥാനാര്‍ഥിക്കായി സ്വന്തം നിലയില്‍ പ്രചാരണം നടത്തുമെന്ന് ജോസഫും വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
