ഉപയോക്താക്കളുടെ ശ്രദ്ധയ്ക്ക്; നാളെ മുതൽ വൈദ്യുതി ബിൽ അടയ്ക്കാൻ സാധിക്കില്ല

തിരുവനന്തപുരം: വൈദ്യുതി ബോർഡിന്റെ ഡേറ്റ സെന്റർ നവീകരണം നാളെ വൈകീട്ട് ഏഴ് മുതൽ 29ന് രാവിലെ ഏഴ് വരെ നടത്തുന്നതിനാൽ ആ സമയത്ത് ഓൺലൈനായോ ഫ്രണ്ട്സ്, അക്ഷയ ജനസേവന കേന്ദ്രങ്ങൾ വഴിയോ വൈദ്യുതി ബിൽ അടയ്ക്കാൻ സാധിക്കില്ല. ബോർഡിന്റെ കസ്റ്റമർ കെയർ സെന്ററും ഈ ദിവസങ്ങളിൽ പ്രവർത്തിക്കില്ല. 

ഈ സമയത്തു വൈദ്യുതി സംബന്ധമായ പരാതി പരിഹരിക്കുന്നതിനു സെക്‌ഷൻ ഓഫീസുകളുമായി ബന്ധപ്പെടണം. ഉപയോക്താക്കൾക്കു 0471–2514668/ 2514669 / 2514710 എന്നീ നമ്പറുകളിലും ബന്ധപ്പെടാം. ബോർഡിന്റെ പ്രവർത്തന നിർവഹണത്തിനു സഹായിക്കുന്ന മറ്റു സോഫ്റ്റ്‌വെയർ ആപ്ലിക്കേഷനുകളും ഈ സമയത്തു ലഭിക്കില്ല.