എസ്പിയെ സ്ഥലം മാറ്റി; കൂടുതല് പൊലീസ് ഉദ്യോഗസ്ഥര്ക്കെതിരെ നടപടി
തിരുവനന്തപുരം: പ്രണയ വിവാഹം ചെയ്ത യുവാവിനെ തട്ടിക്കൊണ്ടുപോയ സംഭവത്തില് അന്വേഷണത്തില് വീഴ്ച വരുത്തിയതിന് കൂടുതല് പൊലീസ് ഉദ്യോഗസ്ഥര്ക്കെതിരെ നടപടി. കോട്ടയം എസ്പി വിഎ മുഹമ്മദ് റഫീഖിനെ സ്ഥലം മാറ്റാന് ഡിജിപി ലോക്നാഥ് ബെഹ്റ നിര്ദേശം നല്കി.
കെവിനെ കാണാതായ സംഭവത്തില് വിവരം നല്കിയിട്ടും പൊലീസ് അന്വേഷിച്ചില്ലെന്ന് വീട്ടുകാര് പരാതിപ്പെട്ടിരുന്നു. ഇതിന്റെ അടിസ്ഥാനത്തില് കോട്ടയം ഗാന്ധിനഗര് സ്റ്റേഷനിലെ എസ്ഐ എംഎസ് ഷിബുവിന്റെ സസ്പെന്ഡ് ചെയ്തു. സ്റ്റേഷന്റെ ജിഡി ചുമതലയുണ്ടായിരുന്ന എഎസ്ഐയെയും സസ്പെന്ഡ് ചെയ്യാന് ഉത്തരവായിട്ടുണ്ട്. പരാതിയുമായി ചെന്നപ്പോള് എഎസ്ഐ സ്വീകരിച്ചില്ലെന്നും ഇക്കാര്യം ഫോണില് വിളിച്ചുപറഞ്ഞിട്ടും എസ്ഐ ചെവിക്കൊണ്ടില്ലെന്നുമാണ് പരാതി.
സംഭവത്തില് മേല്നോട്ടച്ചുമതലയില് വീഴ്ച വരുത്തിയതിനാണ് എസ്പിക്കെതിരെ നടപടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
