കോഴിക്കോട്: കോഴിക്കോട് കുന്ദമംഗലത്ത് ഇതര സംസ്ഥാനതൊഴിലാളി ദുരൂഹസാഹചര്യത്തില് മരിച്ചത് കൊലപാതകമെന്ന് പൊലീസ് സൂചിപ്പിച്ചു. കന്യാകുമാരി മാര്ത്താണ്ഡം സ്വദേശി കനകരാജനെയാണ് തിങ്കളാഴ്ച പുലര്ച്ചെ കഴുത്തറുത്ത നിലയില് കണ്ടത്. കേസിലെ പ്രതി പൊലീസ് കസ്റ്റഡിയിലായെന്നാണ് സൂചന.
കുന്ദമംഗലം ചെത്തുകടവ് പാലത്തിന് സമീപമാണ് കനകരാജനെ രക്തം വാര്ന്ന നിലയില് കണ്ടത്. കനകരാജനെ പൊലീസ് കോഴിക്കോട് മെഡിക്കല് കോളേജ് ആശുപത്രിയിലെത്തിച്ചെങ്കിലും ജീവന് രക്ഷിക്കാനായിരുന്നില്ല. കനകരാജന്റെ കഴുത്തില് ആഴത്തിലേറ്റ മുറിവാണ് മരണകാരണം. കുന്ദമംഗലം പൊലീസ് നടത്തിയ അന്വേഷണത്തിലാണ് സംഭവം കൊലപാതകമാണെന്ന് വ്യക്തമായത്.
പ്രദേശവാസിയായ പ്രതിയും കനകരാജനും കുറച്ച് ദിവസം മുമ്പ് മദ്യപിക്കുന്നതിനിടെ വാക്ക്തര്ക്കമുണ്ടായിരുന്നു. തുടര്ന്നുണ്ടായ വൈരാഗ്യമാണ് കൊലപാതകത്തിലേക്ക് നയിച്ചതെന്നാണ് പൊലീസിന്റെ വിലയിരുത്തല്. എന്നാല് പ്രതിയുടെ പേര് വിവരം പൊലീസ് പുറത്ത്!വിട്ടിട്ടില്ല. കന്യാകുമാരി സ്വദേശിയായ കനകരാജന് വര്ഷങ്ങളായി കോഴിക്കോട് കെട്ടിടനിര്മ്മാണതൊഴിലാളിയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
