കൊച്ചി ബ്രോഡ് വേ അടയ്ക്കുന്നു ; കൊച്ചിയില്‍ നിന്ന് നാളെ അവസാന രാജ്യാന്തര  ഫ്ലൈറ്റ്

കൊച്ചി : കോവിഡ് പ്രതിരോധ നടപടികളുടെ ഭാഗമായി കൊച്ചി  ബ്രോഡ് വേ അടയ്ക്കുന്നു. ഈ മാസം 23 നും 24 നുമാണ് ബ്രോഡ് വേയില്‍ കടകള്‍ അടച്ചിടുക. മെഡിക്കല്‍, പലചരക്ക് ഒഴികെയുള്ള സ്ഥാപനങ്ങള്‍ അടച്ചിടുമെന്ന് ബ്രോഡ് വേ ഷോപ്പ് ഓണേഴ്‌സ് അസോസിയേഷന്‍ പ്രസിഡന്റ് പി എ സഗീര്‍ അറിയിച്ചു. 

അന്താരാഷ്ട്ര വിമാന സര്‍വീസ് വിലക്കിനെ തുടര്‍ന്ന് കൊച്ചി നെടുമ്പാശ്ശേരി രാജ്യാന്തര വിമാനത്താവളത്തില്‍ നിന്നുള്ള അവസാനത്തെ രാജ്യാന്തര വിമാനം നാളെ പുറപ്പെടും. എമിറേറ്റിസിന്റെ ദുബായ് വിമാനമാണ് ഞായറാഴ്ച രാവിലെ 9.30 ന് അവസാനം പുറപ്പെടുന്നത്. 

രാവിലെ 10 മുതല്‍ റണ്‍വേ നവീകരണ ജോലികള്‍ നടക്കുന്നതിനാലാണിത്. വൈകീട്ട് ആറിന് ജോലികള്‍ തീരുമെങ്കിലും രാജ്യാന്തര സര്‍വീസുകള്‍ തുടര്‍ന്ന് ഉണ്ടാകില്ല. കതിരൂര്‍ സ്വദേശിക്ക് കോവിഡ് സ്ഥിരീകരിച്ചതിനാല്‍ കണ്ണൂര്‍ വിമാനത്താവളത്തില്‍ വിവിധ വിഭാഗങ്ങളില്‍ ജോലിചെയ്യുന്ന 18 പേരെ നിരീക്ഷണത്തിലാക്കിയിട്ടുണ്ട്.