കണ്ണൂർ : കോവിഡ് രോഗിയുള്ള ബസിൽ ജീവനക്കാരിയുടെ യാത്ര ചെയ്തതിനെത്തുടർന്ന് കണ്ണൂർ ഡിഐജി ഓഫിസ് അടച്ചു. കഴിഞ്ഞ 29ന് ഡിഐജി ഓഫീസ് ജീവനക്കാരി കണ്ണൂരിൽനിന്നു ചെറുപുഴയിലേക്കു യാത്ര ചെയ്ത സ്വകാര്യ ബസിലാണ് കോവിഡ് ബാധിച്ചയാൾ ഉണ്ടായിരുന്നത്.
മഹാരാഷ്ട്ര സ്വദേശിയായ ഇയാൾക്ക് കോവിഡ് സ്ഥിരീകരിച്ചതിനെത്തുടർന്നാണ് ഇതേ ബസിലുണ്ടായിരുന്ന വനിതാ ജീവനക്കാരിയോട് ക്വാറന്റീനിൽ പോകാൻ നിർദേശിച്ചത്. ഇക്കാരണത്താൽ തിങ്കളാഴ്ച വരെ ജീവനക്കാർ ആരും ഡിഐജി ഓഫിസിൽ വരേണ്ടെന്നും നിർദേശിച്ചിട്ടുണ്ട്.
ഡിഐജി ഓഫിസ് തിങ്കളാഴ്ച വരെ അടച്ചിടും. അണുവിമുക്തമാക്കിയശേഷമാകും ഓഫീസ് തുറന്നുപ്രവർത്തിക്കുക. ജീവനക്കാരി കഴിഞ്ഞദിവസം വരെ ഓഫീസിൽ ജോലിക്ക് വന്നിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
