ചരക്കു ലോറിയിൽ സ്വന്തം നാട്ടിലേക്ക് കടക്കാൻ അതിഥി തൊഴിലാളികളുടെ ശ്രമം; പൊലീസ് പൊക്കി

മലപ്പുറം: തിരൂരിൽ നിന്ന് ചരക്കു ലോറിയിൽ കടക്കാൻ ശ്രമിച്ച അറുപതോളം അതിഥി തൊഴിലാളികളെ പൊലീസ് കസ്റ്റഡിയിലെടുത്തു. ചരക്കു ലോറിയിൽ ഉത്തർപ്രദേശിലേക്ക് കടക്കാനായിരുന്നു ഇവരുടെ പദ്ധതി. 

കുറ്റിപ്പുറത്തു വച്ച് വാഹനം തട‍ഞ്ഞാണ് തൊഴിലാളികളെ പൊലീസ് കസ്റ്റഡിയിലെടുത്തത്. തിരൂർ, താനൂർ എന്നിവിടങ്ങളിൽ നിന്നുള്ള അതിഥി തൊഴിലാളികളാണ് വാഹനത്തിലുണ്ടായിരുന്നത്. 

ഇവരെ തിരികെ താമസ സ്ഥലത്തേക്ക് തന്നെ എത്തിക്കുമെന്ന് പൊലീസ് പറഞ്ഞു. അതിഥി തൊഴിലാളികളെ ഒളിപ്പിച്ചു കടത്താനായിരുന്നു ഡ്രൈവർ ശ്രമിച്ചത്.