വൈറ്റില: ഹബ്ബിനു സമീപം മദ്യലഹരിയില് കളിത്തോക്കുമായി ഭീകരാന്തരീക്ഷം സൃഷ്ടിച്ച കൊല്ലം സ്വദേശി സുനിലിനെ (40) മരട് പൊലീസ് പിടികൂടി. വെള്ളിയാഴ്ച രാത്രി എട്ടരയോടെ ആയിരുന്നു സംഭവം. തട്ടുദോശ കിട്ടാന് വൈകിയതോടെയാണ് ഇയാള് തോക്കെടുത്തത്. തോക്കിന് മുനയിലാണ് തട്ടുകടക്കാര് പിന്നീടു ദോശ ചുട്ടത്. ഇത് കളിത്തോക്കാണെന്ന് കടക്കാര്ക്ക് മനസ്സിലായില്ല.
2 പേര് കൂടി ഇയാള്ക്കൊപ്പം ഉണ്ടായിരുന്നതായി ദൃക്സാക്ഷികള് പറഞ്ഞു.മേശപ്പുറത്ത് തോക്ക് വച്ചാണ് ഭക്ഷണം കഴിച്ചത്. ഇതിനു ശേഷം ഇയാള് തോക്കുയര്ത്തി ഭീകരാന്തരീക്ഷം സൃഷ്ടിച്ചു. വിവരം അറിഞ്ഞെത്തിയ മരട് പൊലീസ് ഇയാളെ കീഴ്പ്പെടുത്തി തോക്ക് കൈവശപ്പെടുത്തിയപ്പോഴാണ് കളിത്തോക്കാണെന്നു മനസ്സിലായത്.
ഒപ്പമുണ്ടായിരുന്നവര് പൊലീസിനെ കണ്ട് ഓടി രക്ഷപ്പെട്ടു. മദ്യപിച്ചതായി വൈദ്യപരിശോധനയില് തെളിഞ്ഞ ഇയാളെ പൊതുജനങ്ങളെ ഭീഷണിപ്പെടുത്തിയതിനു പിഴ ഈടാക്കി വിട്ടയച്ചതായി മരട് എസ്എച്ച് സി വിനോദ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
