തിരുവനന്തപുരം: തേക്കുമൂട്, കുന്നുകുഴി ബണ്ട് കോളനിയില്‍ 20പേര്‍ക്ക് കോവിഡ്. ഇന്നലെ ഈ പ്രദേശത്ത് 15പേര്‍ക്ക് രോഗം സ്ഥിരീകരിച്ചിരുന്നു. ഇതോടെ ഇവിടെ മാത്രം 35പേര്‍ക്ക് കോവിഡ് സ്ഥിരീകരിച്ചു. 99പേരില്‍ നടത്തിയ ആന്റിജന്‍ പരിശോധനയിലാണ് കോവിഡ് സ്ഥിരീകരിച്ചത്.
പുല്ലുവിള, കൊച്ചുതുറ മേഖലകളില്‍ ആറുപേര്‍ക്ക് കൂടി രോഗം സ്ഥിരീകരിച്ചിട്ടുണ്ട്. അതേസമയം, ജില്ലയില്‍ കോവിഡ് ഡ്യൂട്ടിയില്‍ ഏര്‍പ്പെട്ടിരിക്കുന്ന 108 ആംബുലന്‍സ് ജീവനകാര്‍ക്ക് കോവിഡ് 19 ആന്റിജന്‍ പരിശോധന നടത്തി. അടുത്തിടെ ഡ്യൂട്ടിലുണ്ടായിരുന്ന 108 ആംബുലന്‍സ് എമര്‍ജന്‍സി മെഡിക്കല്‍ ടെക്‌നീഷ്യന് രോഗം സ്ഥിതികരിച്ചിരുന്നു.
തുടര്‍ന്ന് ജീവനകാര്‍ക്കിടയില്‍ ആശങ്ക വര്‍ധിച്ച സാഹചര്യത്തില്‍ കോവിഡ് പരിശോധന നടത്താന്‍ മൊബൈല്‍ സ്വാബ് കളക്ഷന്‍ യൂണിറ്റ് ലഭ്യമാക്കുകയായിരുന്നു. 31 ജീവനക്കാരെയാണ് ആദ്യ ദിനം പരിശോധനയ്ക്ക് വിധേയമാക്കിയത്. എല്ലാവരുടെയും പരിശോധന ഫലം നെഗറ്റീവ് ആണ്. തുടര്‍ന്നുള്ള ദിവസങ്ങളില്‍ ബാക്കി ജീവനകാര്‍ക്ക് കൂടി പരിശോധന നടത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
