തിരുവനന്തപുരം: ഭർത്താവ് ഭാര്യയെ വെട്ടിക്കൊന്നു. മുല്ലശേരിയിൽ സജീവിന്റെ ഭാര്യ സ്മിതയാണ് (38) മരിച്ചത്. സജീവിനെ പോലീസ് കസ്റ്റഡിയിലെടുത്തു. തിരുവനന്തപുരം ജില്ലയിൽ കരകുളം മുല്ലശേരിയിൽ ആണ് സംഭവം. കുടുംബവഴക്കാണ് കൊലപാതകത്തിൽ കലാശിച്ചതെന്നാണ് പ്രാഥമിക നിഗമനം.
പുലര്ച്ചെ ഒരു മണിക്കായിരുന്നു സംഭവം. വീട്ടില് കിടപ്പു മുറിയില് വച്ചാണ് ഭാര്യയെ സജീവ് കുമാര് കഴുത്തറുത്ത് കൊന്നത്. വീട്ടിലെ അടുക്കളയില് ഉപയോഗിക്കുന്ന കത്തി വച്ചാണ് സജീവ് കുമാര് സ്മിതയെ വെട്ടിയത്. വിവരമറിഞ്ഞ ഉടന് നെടുമങ്ങാട് പൊലീസ് സ്ഥലത്തെത്തി സജീവ് കുമാറിനെ കസ്റ്റഡിയിലെടുത്ത് അന്വേഷണം ആരംഭിച്ചു.
നേരത്തേയും ഇയാള് വീട്ടില് വഴക്കുണ്ടാക്കിയിരുന്നുവെന്ന് അയല്ക്കാര് പറഞ്ഞു. ഇന്നലെ രാത്രിയും വീട്ടില് വലിയ രീതിയില് ബഹളം കേട്ടിരുന്നു. സജീവ് കുമാര് ഭാര്യയുമായി ഉച്ചത്തില് സംസാരിക്കുകയും ചീത്ത വിളിക്കുകയുമായിരുന്നു. ഇത് ഒടുവില് കൊലപാതകത്തില് കലാശിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
